താരനും മുടികൊഴിച്ചിലുമാണോ പ്രശ്നം, അടുക്കളയിലുണ്ട് പരിഹാരം

താരനും മുടികൊഴിച്ചിലും ഒട്ടുമിക്ക എല്ലാവരുടെയും വലിയൊരു പ്രശ്നമാണ്. എന്നാല്‍ അതിന് പരിഹാരം തേടി ഒരുപാട് അലയേണ്ട, നമ്മുടെ അടുക്കളയില്‍ തന്നെ ഉണ്ട് ഉത്തരം

മുടിയുടെ ആരോഗ്യം മെച്ചപ്പെടുത്താനും വളരാനും സഹായിക്കുന്ന ഒന്നാണ് ഉലുവ. ഉലുവ അരച്ച് തലയോട്ടില്‍ പുരട്ടുന്നത് മുടി വളരാനും താരന്‍ കുറയാനും സഹായിക്കും.

മുടി വളരാന്‍

ഉലുവയില്‍ അടങ്ങിയ പ്രോട്ടീന്‍, അയേണ്‍, നിക്കൊറ്റിനിക് ആസിഡ് സംയുക്തങ്ങള്‍ മുടി ആരോഗ്യത്തോടെ വളരാന്‍ സഹായിക്കും. ഇത് ഹെയര്‍ ഫോളിക്കുകള്‍ക്ക് പോഷണം നല്‍കുകയും തലയോട്ടിയിലേക്കുള്ള രക്തയോട്ടം വര്‍ധിപ്പിക്കുകയും ചെയ്യുന്നു.

മുടി കൊഴുച്ചില്‍

ഉലുവയുടെ ആന്റി-ഇന്‍ഫ്ലമേറ്ററി, ആന്റി-ഓക്‌സിഡന്റ് ഗുണങ്ങള്‍ ശരീര വീക്കത്തിന് കാരണമാകുന്ന ഓക്‌സിഡേക്ടീവ് സമ്മര്‍ദം കുറയ്ക്കും. ഇത് മുടി കൊഴിച്ചില്‍ തടയാന്‍ സഹായിക്കും.

മുടി കണ്ടീഷന്‍ ചെയ്യാന്‍

മുടി കണ്ടീഷന്‍ ചെയ്യാന്‍ സഹായിക്കുന്ന പ്രകൃതിദത്ത കണ്ടീഷണറാണ് ഉലുവ. ഇത് മുടിയില്‍ ഈര്‍പ്പം ലോക്ക് ചെയ്യുന്നു. കൂടാതെ മുടി പൊട്ടിപോകുന്നതില്‍ നിന്നും വരളുന്നതില്‍ നിന്നും സംരക്ഷിക്കുന്നു.

താരന്‍ അകറ്റാന്‍

ഉലുവയുടെ ആന്റി-ഫംഗല്‍, ആന്റി-ബാക്ടീരിയല്‍ ഗുണങ്ങള്‍ താരന്‍ അകറ്റാന്‍ സഹായിക്കും. ഇത് തലയോട്ടിയുടെ ആരോഗ്യം മെച്ചപ്പെടുത്തും.

മുടി തിളങ്ങാന്‍

മുടി കൂടുതല്‍ തിളങ്ങാനും മൃദുവാകാനും ഉലുവ സഹായിക്കും. ഉലുവയില്‍ അടങ്ങിയ പ്രകൃതിദത്ത എണ്ണ മുടിക്ക് പോഷണം നല്‍കും.

പങ്കാളിയെ ചേര്‍ത്തുപിടിച്ചു ഉറങ്ങാം, ആരോഗ്യത്തിന് നല്ലത്