ഡ്രൈവിങ്ങിനിടെ നടുവേദന, കുറയ്ക്കാൻ ചില പൊടിക്കൈകൾ

ഡ്രൈവിങ് ചെയ്യുമ്പോഴുള്ള കഠിനമായ നടുവേദന പലരെയും അലട്ടുന്ന ഒരു പ്രധാന പ്രശ്നമാണ്. വേദനയുടെ തീവ്രത കുറയ്ക്കാന്‍ ഇക്കാര്യങ്ങള്‍ ശ്രദ്ധിക്കണം.

ശരിയായ രീതിയില്‍ സീറ്റ് അഡ്ജസ്റ്റ് ചെയ്താല്‍ വേദന കുറേയൊക്കെ പരിഹരിക്കാന്‍ സാധിക്കും. വാഹനമോടിക്കുമ്പോഴുള്ള കുലുക്കം നടുവിനെ ബാധിക്കാത്ത തരത്തില്‍ വേണം സീറ്റ് ക്രമീകരിക്കാന്‍.

സീറ്റിന് പിറകില്‍ തലയിണയോ മറ്റെന്തെങ്കിലും മൃദുവായ തുണിയോ വയ്ക്കാം. ആവശ്യമെങ്കില്‍ ഹെഡ്‌റെസ്റ്റ് ഉപയോഗിക്കാം.

പാന്‍റിന്‍റെ ബാക്ക്‌പോക്കറ്റില്‍ പഴ്‌സോ മറ്റ് വസ്തുക്കളോ ഇല്ലെന്ന് ഉറപ്പാക്കണം. ഉണ്ടെങ്കില്‍ അത് നടുവേദന വഷളാക്കും.

ചെവിയും തോളും ഒരേ രേഖയില്‍ വരുന്ന തരത്തില്‍ വേണം ഇരിക്കാന്‍. കഴുത്ത് മുന്നോട്ട് നീട്ടി ഇരിക്കരുത്. ഒരുകൈ ഡോര്‍വിന്‍ഡോയ്ക്ക് മുകളില്‍ വെച്ച് യാത്ര ചെയ്യരുത്.

കാലുകളിലേക്ക് ആവശ്യത്തിന് രക്തയോട്ടം ലഭിക്കാനായി ഇടയ്ക്കിടെ വ്യായാമം ചെയ്യാവുന്നതാണ്. ദീര്‍ഘനേരം തുടര്‍ച്ചയായി ഡ്രൈവ് ചെയ്യരുത്.

കഴുത്തും തോളും ഇടയ്ക്കിടെ ചലിപ്പിക്കുന്നത് ഒരു വ്യായാമം നല്‍കും. അമിതവേഗതയില്‍ വാഹനം ഓടിക്കാതിരിക്കുക.

ജലദോഷമുള്ളപ്പോള്‍ തൈര് കഴിക്കുന്നത് പ്രശ്നമാണോ?