മാവ് മുഴുവന്‍ പൂത്ത് കിടക്കുന്ന കാഴ്ച്ച വേനല്‍ക്കാലത്തെ പ്രത്യേക സന്തോഷങ്ങളിലൊന്നാണ്. വിപണിയിലും ഇപ്പോള്‍ മാങ്ങ സുലഭമായി ലഭിക്കും. രുചിയും ഗുണങ്ങളും മാങ്ങയ്ക്ക് 'പഴങ്ങളുടെ രാജാവ്' എന്ന വിശേഷണം ചാര്‍ത്തിനല്‍കിയിട്ടുണ്ട്. എന്നാല്‍ മാങ്ങ കഴിക്കണ്ട ശരീയായ രീതി അറിയാമോ?
മാങ്ങ കിട്ടുമ്പോള്‍ തന്നെ ഫ്രിഡ്ജില്‍ കേറ്റുന്നതാണ് പലരുടെയും പതിവ്. കടയില്‍ നിന്ന് വാങ്ങിക്കൊണ്ടുവരുന്ന മാങ്ങയാണെങ്കില്‍ പോലും പലരും ചെയ്യുന്നത് ഇങ്ങനെയാണ്. എന്നാല്‍ മറ്റുചിലര്‍ മാങ്ങ കിട്ടായിലുടന്‍ അല്‍പനേരം വെള്ളത്തിലിട്ട് വയ്ക്കുന്നത് കാണാം. മണിക്കൂറുകളോളം ഇങ്ങനെ ചെയ്യുന്നതുകൊണ്ട് എന്തെങ്കിലും പ്രയോജനമുണ്ടോ? അതോ ഇതെന്തെങ്കലും കെട്ടുകഥയാണോ?
ഊര്‍ജ്ജം വര്‍ദ്ധിപ്പിക്കാനും ദഹനപ്രശ്‌നങ്ങള്‍, മലബന്ധം പോലുള്ള ബുദ്ധിമുട്ടുകളും തടയാന്‍ സഹായിക്കുന്ന മാങ്ങ പോഷകങ്ങളുടെയും ആന്റിഓക്‌സിഡന്റുകളുടെയും നാരുകളുടെയും കലവറയാണ്. വിറ്റാമിന്‍ എ, സി എന്നിവ അടങ്ങിയിട്ടുള്ള മാങ്ങ ചര്‍മ്മത്തിനും മുടിക്കും നല്ലതാണ്. ഹൃദയാരോഗ്യത്തിനും കൊളസ്‌ട്രോള്‍ കുറയ്ക്കാനും മാങ്ങ നല്ലതാണെന്ന് ചില പഠനങ്ങളില്‍ കണ്ടെത്തിയിട്ടുണ്ട്. അതേസമയം, മാങ്ങയില്‍ ധാരാളം ആരോഗ്യഗുണമുള്ള പോഷകങ്ങള്‍ ഉണ്ടെങ്കിലും ശരിയായ രീതിയില്‍ കഴിച്ചില്ലെങ്കില്‍ ഈ ഫലങ്ങള്‍ കിട്ടണമെന്നില്ലെന്നാണ് വിദഗ്ധര്‍ പറയുന്നത്.
മാമ്പഴത്തില്‍ ഫൈറ്റിക് ആസിഡ് അടങ്ങിയിട്ടുണ്ട്. ഇത് മാങ്ങയിലുള്ള പോഷകങ്ങള്‍ ശരീരം ആഗിരണം ചെയ്യുന്നതിനെ തടയും. മാങ്ങയിലുള്ള ഇരുമ്പ്, കാല്‍ഷ്യം തുടങ്ങിയ പോഷകങ്ങളെ ശരീരത്തില്‍ പ്രവേശിക്കുന്നതില്‍ നിന്ന് തടയുന്ന ആന്റി ന്യൂട്രിയന്റുകളെയാണ് ഫൈറ്റിക് ആസിഡ് സംഭാവന ചെയ്യുന്നത്. അതേസമയം, മാങ്ങ കുറച്ചുനേരം വെള്ളത്തിലിട്ടുവയ്ക്കുന്നത് ഫൈറ്റിക് ആസിഡ് സാന്നിധ്യം കുറയ്ക്കാന്‍ സഹായിക്കും. അതുകൊണ്ട് കഴുക്കുന്നതിന് മൂന്ന്-നാല് മണിക്കൂര്‍ മുമ്പ് മാങ്ങ വെള്ളത്തില്‍ മുക്കിയിടണം. മാങ്ങയിലെ കീടനാശിനികളെ കളയാനും ഇത് സഹായിക്കും.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
