എണ്ണമയമുള്ള ചർമ്മമാണോ? ഇതാ ചില പോംവഴികൾ... 

ഡ്രൈ സ്കിൻ പോലെതന്നെ തലവേദനയാണ് എണ്ണമയമുള്ള ചർമ്മവും. കാലാവസ്ഥയിലെ മാറ്റവും ഹോർമോൺ വ്യതിയാനവുമൊക്കെയാകാം ഇതിന് പിന്നിലെ കാരണം. സെബാസിയസ് ഗ്രന്ഥികൾ അധിക സെബം ഉൽപ്പാദിപ്പിക്കുന്നതാണ് എണ്ണമയമുള്ള ചർമ്മത്തിന് പിന്നിലെ കാരണം. ഇതുമൂലം ചർമ്മത്തിലെ സുഷിരങ്ങൾ അടയുകയും മുഖക്കുരുവിന് കാരണമാകുകയും ചെയ്യും. എണ്ണമയമുള്ള ചർമ്മത്തിൽ നിന്ന് രക്ഷനേടാൻ ഇതാ ചില പോംവഴികൾ...

മുഖം കഴുകാം - എണ്ണമയമുള്ള ചർമ്മമുള്ളവർ ഇടയ്ക്കിടെ മുഖം കഴുകുന്നത് നല്ലതാണ്. അമിതമായി എണ്ണമയം ഉള്ളതായി തോന്നുമ്പോൾ വീര്യം കുറഞ്ഞ സോപ്പോ ഫേസ് വാഷോ ഉപയോഗിച്ച് മുഖം കഴുകാം. ദിവസത്തിൽ രണ്ടു തവണയെങ്കിലും മുഖം കഴുകാൻ മറക്കരുത്. 

മോയ്സ്ചറൈസർ - എണ്ണമയമാണെന്നുകരു‌തി മോയ്സ്ചറൈസർ വേണ്ടെന്നുവയ്ക്കരുത്. ഓയിലി സ്കിൻ ഉള്ലവർക്കായി തയ്യറാക്കിയ മോയ്സ്ചറൈസർ ഉപയോ​ഗിക്കാൻ ശ്രദ്ധിക്കണം. ഇത് അധിക എണ്ണം നീക്കം ചെയ്യാൻ സഹായിക്കും. സൺസ്ക്രീൻ ഉപയോഗിക്കാനും മറക്കരുത്. 

സ്ക്രബ് - ചർമ്മം അമിതമായി എണ്ണ ഉത്പാദിപ്പിക്കുന്നത് കുറയ്ക്കാനുള്ള മികച്ച മാർഗങ്ങളിലൊന്നാണ് സ്ക്രബ് ചെയ്യുന്നത്. നിർജ്ജീവ ചർമ്മവും അഴുക്കും അകറ്റാൻ ഇത് സഹായിക്കും.
 
മേക്കപ്പ് - എണ്ണമയമുള്ളവർ അമിതമായി മേക്കപ്പ് ചെയ്യുന്നതും ഒഴിവാക്കണം. ഇത് ചർമത്തിലെ സുഷിരങ്ങൾ അടയാൻ കാരണമാകും. മാത്രമല്ല ചർമ്മത്തിലേക്കുള്ള ഓക്സിജൻ വിതരണം കുറയ്ക്കുകയും അമിത എണ്ണ ഉത്പാദിപ്പിക്കുകയും ചെയ്യും. 

വെള്ളം - ധാരാളം വെള്ളം കുടിക്കുന്നത് ചർമ്മത്തിലെ സെബം, എണ്ണ എന്നിവയുടെ ഉത്പാദനം കുറയ്ക്കാൻ സഹായക്കും. ചർമ്മത്തിലെ ജലാംശം നിലനിർത്താൻ ദിവസവും 8–9 ഗ്ലാസ് വരെ വെള്ളം കുടിക്കാം.

ഈ വാർത്ത കൂടി വായിക്കൂ 

എന്നും രാത്രി ഓരോ സ്വപ്നം കാണും, ഉറക്കം അവതാളത്തിലും! ഇതൊക്കെയാണ് കാരണങ്ങൾ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ