രാവിലെ, ഉച്ചയ്ക്ക്, രാത്രി... ഇതിനിടെ ഒന്ന് കൊറിക്കാന് തോന്നിയാല് സ്നാക്സ് വേറെയും... സല്ക്കാര പ്രിയരായ നമ്മള് ഇന്ത്യക്കാര്ക്ക് ഭക്ഷണത്തോടുള്ള പ്രിയം സംസ്കാരത്തിന്റെ ഭാഗം കൂടിയാണ്. അവിടെ കലോറിയും കൊഴുപ്പുനെ കുറിച്ചുമുള്ള ചിന്തകളൊക്കെ മാറി നില്ക്കും.
എന്നാല് ദിവസവും ഇത്തരത്തില് വിപുലമായി മൂന്ന് നേരം ഭക്ഷണം കഴിക്കുന്നത് അമിതമായുള്ള ഭക്ഷണം കഴിപ്പ് ആണോ?
ചരിത്രം എന്താണ് പറയുന്നതെന്ന് നോക്കാം
എത്ര വലിയ ഡയറ്റില് ആണെങ്കിലും ദിവസം മൂന്ന് നേരം ഭക്ഷണം എന്നത് നിര്ബന്ധമാണ്. എന്നാല് ബ്രേക്ക്ഫാസ്റ്റ് മുന്പ് ഇന്ത്യന് ഡയറ്റിന്റെ ഭാഗമായിരുന്നില്ലെന്ന് നിങ്ങള്ക്ക് അറിയാമോ. അങ്ങനെയൊരു ആശയം തന്നെ ഇവിടെ ഉണ്ടായിരുന്നില്ല.
ഉച്ചഭക്ഷണം മുതലാണ് ഭക്ഷണക്രമം തുടങ്ങിയിരുന്നത്. അതു കഴിഞ്ഞാല് അത്താഴം. ഇതായിരുന്നു പണ്ട് കാലത്ത് പിന്തുടര്ന്നിരുന്ന ഭക്ഷണക്രമം. ആ കാലത്ത് കൂടുതലും കര്ഷകരായതിനാല് ഈ സമയക്രമം അവരില് മികച്ച രീതിയില് പ്രവര്ത്തിച്ചു. പിന്നീട് ആളുകള് മറ്റ് ജോലികളിലേക്ക് മാറിയപ്പോള് ഭക്ഷണം കഴിക്കുന്ന ശീലങ്ങളിലും മാറ്റം വന്നു.
കുട്ടികള്ക്കും പ്രായമായവര്ക്കും അനാരോഗ്യമുള്ളവര്ക്കുമായി ഭക്ഷണം കരുതിവെക്കുന്നത് പിന്നീട് ഒരു ശീലമായി മാറി. പിന്നീട് ബ്രിട്ടീഷുകള് കടലു കടന്ന് ഇന്ത്യയില് എത്തിയതോടെയാണ് ഇന്ത്യയില് ചായയും കാപ്പിയും ബ്രേക്ക് ഫാസ്റ്റുമൊക്കെ സാധാരണമായത്. പ്രത്യേകിച്ച് സമ്പന്നര്ക്കിടയില്.
ശരിയായ ഭക്ഷണ ക്രമം ഏതാണ്?
ആരോഗ്യവാനായ ഒരു വ്യക്തി തങ്ങളുടെ സര്ക്കാഡിയന് റിഥം അനുസരിച്ച് ഭക്ഷണം കഴിക്കുന്നതാണ് ഉചിതമെന്നാണ് വിദഗ്ധര് പറയുന്നത്. രണ്ട് മുതല് രണ്ടര നേരം ഭക്ഷണം എന്നതാണ് ഇതിന്റെ അടിസ്ഥാനം. അതായത് ആറ് മുതല് എട്ട് മണിക്കൂറില് ഭക്ഷണം കഴിക്കുക. ഉച്ചയ്ക്ക് 12 മുതല് വൈകുന്നേരം ആറ് മണി വരെ അല്ലെങ്കില് രാവിലെ 11 മണി മുതല് വൈകുന്നേരം ഏഴ് മണി വരെ. ഇതിനുള്ളിലായിരിക്കണം ഭക്ഷണം കഴിക്കേണ്ടത്. സൂര്യാസ്തമയത്തിന് ശേഷം ഭക്ഷണം കഴിക്കരുത്. ഇത് ശരീരത്തിന് വിശ്രമവും ദഹനം മെച്ചപ്പെടുത്താനും സഹായിക്കും.
എന്നിരുന്നാലും ജീവിതശൈലി, ആരോഗ്യനില എന്നീ ഘടകങ്ങളെ അടിസ്ഥാനപ്പെടുത്തി അനുയോജ്യമായ ഭക്ഷണക്രമം സ്വീകരിക്കുന്നതാണ് നല്ലത്. ഭക്ഷണ സമയം ക്രമീകരിക്കുയും ഭക്ഷണരീതിയില് മാറ്റം വരുത്തുകയോ ചെയ്യുകയാണെങ്കിൽ നിങ്ങളുടെ ശരീരം അതിനോട് എങ്ങനെ പ്രതികരിക്കുന്നു എന്ന് മനസിലാക്കേണ്ടത് പ്രധാനമാണ്. ഓരോ ശരീരവും വ്യത്യസ്തമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
