ന്യൂഡല്ഹി: അദാനി ഗ്രൂപ്പ് ചെയര്മാന് ഗൗതം അദാനി 2030 ഓടേ സ്ഥാനം ഒഴിയുമെന്ന് റിപ്പോര്ട്ട്. അധികാര കൈമാറ്റത്തിന്റെ ഭാഗമായി 2030കളുടെ തുടക്കത്തില് എഴുപതാം വയസില് സ്ഥാനമൊഴിയാനാണ് ഗൗതം അദാനി ആലോചിക്കുന്നത്. മക്കള്ക്കും ബന്ധുക്കള്ക്കും അധികാരം വിട്ടുകൊടുക്കാനാണ് ഗൗതം അദാനി പദ്ധതിയിടുന്നതെന്നാണ് റിപ്പോര്ട്ടുകള് വ്യക്തമാക്കുന്നത്.
ബ്ലൂംബെര്ഗ് ന്യൂസിന് നല്കിയ അഭിമുഖത്തിലാണ് ഭാവിയില് സ്ഥാനമൊഴിയുമെന്ന സൂചന ഗൗതം അദാനി നല്കിയത്.'ബിസിനസ് സുസ്ഥിരതയ്ക്ക് പിന്തുടര്ച്ച വളരെ പ്രധാനമാണ്. ചിട്ടയായും ക്രമാനുഗതവുമായി രണ്ടാം തലമുറയ്ക്ക് അധികാരം വിട്ടുകൊടുക്കാനാണ് പദ്ധതി'- ഗൗതം അദാനി പറഞ്ഞു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
അദാനി വിരമിക്കുമ്പോള് മക്കളായ കരണ്, ജീത് അവരുടെ ബന്ധുക്കളായ പ്രണവ്, സാഗര് എന്നിവര് കുടുംബ ട്രസ്റ്റിന്റെ തുല്യ ഗുണഭോക്താക്കളായി മാറുമെന്ന് റിപ്പോര്ട്ട് പറയുന്നു. ഒരു രഹസ്യ ഉടമ്പടിയിലൂടെ കമ്പനികളിലെ ഓഹരികള് അവകാശികളിലേക്ക് മാറ്റാന് നിര്ദ്ദേശിക്കുമെന്ന് ഗൗതം അദാനിയുടെ അടുത്ത വൃത്തങ്ങളെ ഉദ്ധരിച്ച് ബ്ലൂംബെര്ഗ് റിപ്പോര്ട്ട് ചെയ്തു.
ഗൗതം അദാനിയുടെ മൂത്ത മകന് കരണ് അദാനി അദാനി പോര്ട്ട്സിന്റെ മാനേജിങ് ഡയറക്ടറും ഇളയ മകന് ജീത് അദാനി അദാനി എയര്പോര്ട്ട്സിന്റെ ഡയറക്ടറുമാണ്. പ്രണവ് അദാനി അദാനി എന്റര്പ്രൈസസിന്റെ ഡയറക്ടറും സാഗര് അദാനി അദാനി ഗ്രീന് എനര്ജിയുടെ എക്സിക്യൂട്ടീവ് ഡയറക്ടറുമാണ്. ചെയര്മാന് സ്ഥാനം ഏറ്റെടുക്കാന് ഏറ്റവും കൂടുതല് സാധ്യത കല്പ്പിക്കപ്പെടുന്നത് പ്രണവും കരണുമാണെന്നും റിപ്പോര്ട്ട് വ്യക്തമാക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates