ന്യൂഡല്‍ഹി: മുതിര്‍ന്ന പൗരന്മാര്‍ക്കുള്ള പ്രത്യേക സ്ഥിര നിക്ഷേപ പദ്ധതിയില്‍ ചേരാനുള്ള സമയപരിധി പ്രമുഖ പൊതുമേഖല ബാങ്കായ എസ്ബിഐ നീട്ടി. എസ്ബിഐ വീകെയര്‍ പദ്ധതിയില്‍ ചേരുന്നതിനുള്ള സമയപരിധി സെപ്റ്റംബര്‍ 30 വരെയാണ് നീട്ടിയത്. പുതിയതായി നിക്ഷേപം നടത്തുന്നവര്‍ക്കും കാലാവധി തീര്‍ന്ന നിക്ഷേപങ്ങള്‍ പുതുക്കുന്നവര്‍ക്കും ഇത് പ്രയോജനപ്പെടുത്താവുന്നതാണ്.

ഉയര്‍ന്ന പലിശയാണ് ഈ പദ്ധതിയുടെ ആകര്‍ഷണം. അഞ്ചുവര്‍ഷത്തിനും പത്തുവര്‍ഷത്തിനും ഇടയില്‍ കാലാവധിയുള്ള നിക്ഷേപപദ്ധതിയില്‍ ചേരുന്നവര്‍ക്കാണ് ഉയര്‍ന്ന പലിശ ലഭിക്കുക. മുതിര്‍ന്ന പൗരന്മാര്‍ക്ക് 7.50ശതമാനമാണ് പലിശ. ടേം ഡെപ്പോസിറ്റിന് അധിക പലിശ നല്‍കി മുതിര്‍ന്നവരുടെ സമ്പാദ്യം സംരക്ഷിക്കുന്ന നിക്ഷേപ പദ്ധതിയാണ് എസ്ബിഐ വീകെയര്‍ എന്നതാണ് എസ്ബിഐയുടെ വിശദീകരണം.

ഈ വാർത്ത കൂടി വായിക്കൂ

ഡെസ്‌ക് ടോപ്പില്‍ നിന്ന് എളുപ്പം വാട്‌സ്ആപ്പ് കോള്‍ ചെയ്യാം; അറിയേണ്ടതെല്ലാം

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ