ന്യൂഡല്‍ഹി: ദീപാവലിയോടനുബന്ധിച്ച് ഫ്രീഡം ഓഫറുമായി റിലയന്‍സിന്റെ ജിയോ. 10 മാസത്തെ നിരക്കില്‍ 15 മാസത്തെ ജിയോഹോം സേവനം ലഭ്യമാക്കുമെന്ന് കമ്പനി അറിയിച്ചു. അതായത് അഞ്ചുമാസത്തെ സേവനം പൂര്‍ണമായി സൗജന്യമായി ലഭിക്കും.
ലൈവ് ടിവി, അണ്‍ലിമിറ്റഡ് വൈഫൈ, ഒടിടി ആപ്പ് സബ്‌സ്‌ക്രിപ്ഷനുകള്‍ എന്നിവ ഉള്‍പ്പെടുന്ന ഒരു സംയോജിത സേവനമാണ് ജിയോഹോം. ജിയോഫൈബര്‍, ജിയോഎയര്‍ഫൈബര്‍ പ്ലാനുകള്‍ക്ക് കീഴിലാണ് ഈ സേവനം. ഉപയോക്താക്കള്‍ക്ക് ജിയോഹോം റീച്ചാര്‍ജ് വഴി 15 മാസത്തെ അണ്‍ലിമിറ്റഡ് എന്റര്‍ടെയിന്‍മെന്റ് ആസ്വദിക്കാനാകും. ഇതിനായി 10 മാസത്തേയ്ക്ക് പ്രതിമാസം 666 രൂപ നിരക്കില്‍ റീചാര്‍ജ് ചെയ്താല്‍ മതിയാകും. അധികമായി ലഭിക്കുന്ന അഞ്ചുമാസത്തേയ്ക്ക് പ്രത്യേക പണം നല്‍കേണ്ടതില്ല. നിലവിലുള്ള ജിയോഹോം ഉപയോക്താക്കള്‍ക്ക് മാത്രമാണ് ഈ ജിയോഹോം ഫ്രീഡം ഓഫര്‍ ലഭ്യമാകുക എന്ന് കമ്പനി വ്യക്തമാക്കി.
ഈ ഓഫര്‍ ലഭിക്കാന്‍ ഉപയോക്താക്കള്‍ക്ക് “8219582195” എന്ന നമ്പറിലേക്ക് ഒരു മിസ്ഡ് കോള്‍ നല്‍കാവുന്നതാണ്. 15 ഭാഷകളിലായി ആയിരത്തിലധികം ഡിജിറ്റല്‍ ടിവി ചാനലുകള്‍, ഒടിടി എന്റര്‍ടെയിന്‍മെന്റ് ആപ്പുകള്‍, അണ്‍ലിമിറ്റഡ് വൈഫൈ എന്നിവ ഈ സേവനത്തില്‍ ഉള്‍പ്പെടുന്നു. ജിയോ സെറ്റ് ടോപ്പ് ബോക്‌സ് ഉപയോഗിച്ച് ജിയോടിവി+ ആപ്പ് വഴി അധിക ചെലവില്ലാതെ രണ്ട് സ്മാര്‍ട്ട് ടിവികളില്‍ സേവനം ആസ്വദിക്കാമെന്നും ജിയോ അവകാശപ്പെടുന്നു. വാര്‍ഷിക പ്ലാനുകള്‍ക്കൊപ്പം സൗജന്യ ഇന്‍സ്റ്റാളേഷനും ലഭ്യമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates