onion price file
Business

കണ്ണുനിറച്ച് ഉള്ളിവില, കിലോയ്ക്ക് 200 രൂപ വരെ; വെളുത്തുള്ളി വിലയും റെക്കോര്‍ഡില്‍

സംസ്ഥാനത്ത് ഉള്ളിവില കുതിച്ചു ഉയരുന്നു

Author : സമകാലിക മലയാളം ഡെസ്ക്
Edited By : Dhanoj AM

കൊച്ചി: സംസ്ഥാനത്ത് ഉള്ളിവില കുതിച്ചു ഉയരുന്നു. ഉള്ളിവില സമീപകാലത്തെ ഏറ്റവും ഉയര്‍ന്ന നിലയിലാണ്. കിലോയ്ക്ക് 180 രൂപ മുതല്‍ 200 രൂപ വരെ വില കയറിയത് വ്യാപാരികളെയും ഉപഭോക്താക്കളെയും ഒരേപോലെ ആശങ്കപ്പെടുത്തുന്നുണ്ട്.

തമിഴ്‌നാട്ടില്‍ നിന്ന് ഉള്ളിയുടെ വരവ് കുറഞ്ഞതാണ് വില കുതിച്ചുയരാന്‍ കാരണം. ഡിണ്ടിഗല്‍, തിരുപ്പൂര്‍, പെരമ്പല്ലൂര്‍, തിരുച്ചിറപ്പിള്ളി, തേനി, മധുര എന്നിവിടങ്ങളില്‍ നിന്നാണ് ഉള്ളി എത്തുന്നത്. ഇവിടങ്ങളില്‍ കനത്തമഴയും വെള്ളക്കെട്ടുംമൂലം കൃഷി നശിച്ചതും നവംബറില്‍ വിളവെടുപ്പില്ലാത്തതുമാണ് ഉള്ളിവരവ് കുറയാന്‍ കാരണം.

ഉള്ളിവില നവംബര്‍ ആദ്യമുതല്‍ സാവധാനം ഉയര്‍ന്നു കൊണ്ടിരിക്കുകയായിരുന്നു. ഒക്ടോബറില്‍ 80-90 രൂപയായിരുന്നു വില. വെളുത്തുള്ളി വിലയും റെക്കോര്‍ഡിലാണ്. ഗ്രേഡ് അനുസരിച്ച് കിലോഗ്രാമിന് 280 രൂപ മുതല്‍ 360 രൂപ വരെയാണ് ചില്ലറവില്‍പ്പന വില. വിലവര്‍ധന മൂലം ഹോട്ടല്‍, കാറ്ററിങ് മേഖലയും പ്രതിസന്ധിയിലാണ്.സവാള വില 50-60 എന്ന നിലയിലാണ്.

Onion prices reach up to 200 per kg; garlic prices also hit record highs

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

സ്വാമിയേ ശരണമയ്യപ്പാ..; മണ്ഡലകാല തീര്‍ഥാടനത്തിനായി ശബരിമല നട ഇന്ന് തുറക്കും

ഡേറ്റിങ് ആപ്പിലൂടെ പരിചയപ്പെട്ടു; കനേഡിയന്‍ 'യുവതി' നാട്ടിലെത്തിയപ്പോള്‍ 61കാരി; 31കാരന്‍ കല്യാണത്തില്‍ നിന്ന് പിന്‍മാറി

തീവ്ര ന്യൂനമര്‍ദ്ദം ഇന്ന് ചുഴലിക്കാറ്റായി മാറും; സംസ്ഥാനത്ത് വ്യാഴാഴ്ച വരെ മഴ

ഒരു മിനിറ്റില്‍ 75 പേര്‍ പതിനെട്ടാംപടി കയറും; 80 ലക്ഷം ടിന്‍ അരവണ ഉറപ്പാക്കും; ശബരിമല സജ്ജം

Weekly horoscope (November 15- November 21, 2026): ജോലി, പ്രണയം, സാമ്പത്തികം ഈ ആഴ്ച നിങ്ങള്‍ക്കെങ്ങനെ