ന്യൂഡല്‍ഹി: ഡോളറിനെതിരെ രൂപ റെക്കോര്‍ഡ് താഴ്ചയില്‍. 21 പൈസയുടെ നഷ്ടത്തോടെ 95.97 എന്ന നിലയിലാണ് രൂപ ക്ലോസ് ചെയ്തത്.

എണ്ണവില കുതിച്ചുയരുന്നതും അമേരിക്കന്‍ ഡോളര്‍ ശക്തിയാര്‍ജിച്ചതുമാണ് രൂപയ്ക്ക് വിനയായത്. വ്യാപാരത്തിനിടെ ഒരു ഘട്ടത്തില്‍ രൂപ 96ന് അപ്പുറത്തേയ്ക്ക് താഴ്ന്നിരുന്നു. 96.14 എന്ന നിലയിലേക്കാണ് രൂപ താഴ്ന്നത്.

യുഎസ് ഫെഡറല്‍ റിസര്‍വ് സമീപഭാവിയില്‍ തന്നെ പലിശ നിരക്ക് ഉയര്‍ത്തുമെന്നാണ് സൂചന. അങ്ങനെയെങ്കില്‍ ഡോളര്‍ കൂടുതല്‍ ശക്തിയാര്‍ജിക്കാന്‍ ഇടയാക്കും. ഇത് രൂപയെ വീണ്ടും ദുര്‍ബലമാക്കുമോ എന്ന ആശങ്കയും നിലനില്‍ക്കുന്നുണ്ട്. അതിനിടെ ഓഹരി വിപണി നഷ്ടത്തില്‍ വ്യാപാരം അവസാനിച്ചു. സെന്‍സെക്‌സ് 160 പോയിന്റ് ആണ് താഴ്ന്നത്.