മെച്ചപ്പെട്ട റിട്ടേണ് ലഭിക്കുമെന്ന പ്രതീക്ഷയില് എസ്ഐപിയില് നിക്ഷേപിക്കുന്നവരുടെ എണ്ണം വര്ധിച്ചിട്ടുണ്ട്. പരമ്പരാഗത സ്റ്റോക്ക് മാര്ക്കറ്റ് നിക്ഷേപത്തില് നിന്ന് വ്യത്യസ്തമായി നിക്ഷേപത്തില് ഡൈവേഴ്സിഫിക്കേഷന് കൊണ്ടുവരണമെന്ന ചിന്തയും എസ്ഐപിയിലേക്ക് കൂടുതല് പേരെ ആകര്ഷിച്ചതിന് പിന്നിലെ ഒരു പ്രധാന കാരണമാണ്. നിശ്ചിത തുക സ്ഥിരമായ ഇടവേളകളില് നിശ്ചിത കാലത്തേയ്ക്ക് മ്യൂച്ചല്ഫണ്ടില് നിക്ഷേപിക്കുന്ന രീതിയാണ് എസ്ഐപി. എസ്ഐപി വിപണി അധിഷ്ഠിതമായത് കൊണ്ട് റിട്ടേണിന് ഗ്യാരണ്ടി നല്കാന് സാധിക്കില്ല.
പ്രതിമാസം 1,000 രൂപ വീതം നിക്ഷേപിച്ചാല് രണ്ടു ലക്ഷം രൂപ സമാഹരിക്കാന് എത്ര സമയമെടുക്കും?
പ്രതിമാസം 1,000 രൂപ വീതം എസ്ഐപിയില് നിക്ഷേപിക്കാന് തീരുമാനിച്ചാല് രണ്ടുലക്ഷം രൂപ സമാഹരിക്കണമെങ്കില് കുറഞ്ഞത് പത്തുവര്ഷമെങ്കിലും നിക്ഷേപം തുടരേണ്ടി വരുമെന്നാണ് വിപണി വിദഗ്ധര് പറയുന്നത്. ശരാശരി 12 ശതമാനം വാര്ഷിക റിട്ടേണ് ലഭിക്കുമെന്ന പ്രതീക്ഷയിലാണ് വിദഗ്ധരുടെ കണക്കുകൂട്ടല്. പത്തുവര്ഷം നിക്ഷേപിക്കുകയാണെങ്കില് ആകെ നിക്ഷേപം 1,20,000 രൂപയാകും. ശരാശരി 12 ശതമാനം വാര്ഷിക റിട്ടേണ് ലഭിക്കുമെങ്കില് റിട്ടേണായി 1,04,036 രൂപ ലഭിക്കും. അങ്ങനെയെങ്കില് നിക്ഷേപിച്ച തുകയും റിട്ടേണും കൂട്ടി 2,24,036 രൂപ കൈയില് കിട്ടും.
4 വര്ഷത്തിനുശേഷം എന്താണ് സംഭവിക്കുന്നത്?
4 വര്ഷത്തേക്ക് പ്രതിമാസം 1,000 രൂപ നിക്ഷേപിക്കുകയാണെങ്കില്, മൊത്തം നിക്ഷേപം 48,000 രൂപയായിരിക്കും. 12 ശതമാനം വാര്ഷിക വരുമാനത്തില്, നിക്ഷേപം 61,015 രൂപയായി വളരും. അതായത് 13,015 രൂപ വരുമാനമായി ലഭിക്കും. മ്യൂച്വല് ഫണ്ട് റിട്ടേണുകള് വിപണി പ്രകടനവുമായി ബന്ധപ്പെട്ടിരിക്കുന്നുവെന്ന് ഓര്മ്മിക്കുക. അതിനാല് യഥാര്ത്ഥ ഫലങ്ങള് വ്യത്യാസപ്പെടാം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates