മുംബൈ: എട്ടു ശതമാനം പ്രീമിയത്തില്‍ പ്രമുഖ ഓണ്‍ലൈന്‍ ഫുഡ് ഡെലിവറി പ്ലാറ്റ്‌ഫോമായ സ്വിഗ്ഗി ഓഹരി വിപണിയില്‍ ലിസ്റ്റ് ചെയ്തു. 390 രൂപയായിരുന്നു ഓഹരി ഒന്നിന്റെ ഇഷ്യു വില. എന്നാല്‍ ഇന്ന് ലിസ്റ്റ് ചെയ്തത് 412 രൂപയ്ക്കാണ്.

ഐപിഒയില്‍ 371 മുതല്‍ 390 രൂപ വരെയായിരുന്നു സ്വിഗ്ഗിയുടെ പ്രൈസ് ബാന്‍ഡ്. നവംബര്‍ ആറുമുതല്‍ എട്ടുവരെയായിരുന്നു ഐപിഒ. 3.59 മടങ്ങ് അധികം സബ്‌സ്‌ക്രിപ്ഷനാണ് ഐപിഒയ്ക്ക് ലഭിച്ചത്. വില്‍പ്പനയ്ക്ക് വച്ചിരുന്ന 16.01 കോടി ഓഹരികള്‍ക്ക് പകരം 57.53 കോടി ഓഹരികള്‍ക്കാണ് അപേക്ഷകള്‍ ലഭിച്ചത്.

പിടിവിട്ട് പച്ചക്കറി വില; പണപ്പെരുപ്പനിരക്ക് 14 മാസത്തെ ഉയര്‍ന്ന നിലയില്‍, ആറ് ശതമാനം കടന്നു

11,327 കോടി രൂപ സമാഹരിക്കാന്‍ ലക്ഷ്യമിട്ടാണ് ഐപിഒയുമായി സ്വിഗ്ഗി എത്തിയത്. പുതിയ ഓഹരികള്‍ വില്‍പ്പനയ്ക്ക് വച്ചും ഓഫര്‍ ഫോര്‍ സെയിലിലൂടെയുമായിരുന്നു ഐപിഒ.