Business

ആണെന്നോ പെണ്ണെന്നോ മുന്‍വിധി വേണ്ടെന്നുവെച്ച് ഗൂഗിള്‍; ട്രാന്‍സ്ലേഷന്‍ സംവിധാനത്തില്‍ പുതിയ പരിഷ്‌കാരം

പരിഭാഷപ്പെടുത്തുമ്പോള്‍ പലപ്പോഴും പുരുഷ നാമങ്ങളാണ് ഉപയോഗിക്കപ്പെടുന്നതെന്ന വ്യാപക പരാതി ഉയര്‍ന്നതിനെത്തുടര്‍ന്നാണ് പുതിയ പരിഷ്‌കാരങ്ങള്‍

Author : സമകാലിക മലയാളം ഡെസ്ക്

ലിംഗവിവേചനം കുറയ്ക്കാന്‍ പുതിയ നടപടിയുമായി സെര്‍ച്ച് എന്‍ജിന്‍ ഭീമന്‍ ഗൂഗിള്‍. ഗൂഗിളിന്റെ ട്രാന്‍സ്ലേഷന്‍ ആപ്ലിക്കേഷനായ ഗൂഗിള്‍ ട്രാന്‍സ്ലേറ്റിലാണ് പുതിയ മാറ്റങ്ങള്‍ അവതരിപ്പിക്കുന്നത്. ഒരു ഭാഷയില്‍ നിന്ന് മറ്റൊരു ഭാഷയിലേക്ക് പരിഭാഷപ്പെടുത്തുമ്പോള്‍ പലപ്പോഴും പുരുഷ നാമങ്ങളാണ് ഉപയോഗിക്കപ്പെടുന്നതെന്ന വ്യാപക പരാതി ഉയര്‍ന്നതിനെത്തുടര്‍ന്നാണ് പുതിയ പരിഷ്‌കാരങ്ങള്‍. 

'ഡോക്ടര്‍' എന്നത് പരിഭാഷപ്പെടുത്തുമ്പോള്‍ പുരുഷ വിശേഷണവും 'നേഴ്‌സ്' എന്നത് പരിഭാഷപ്പെടുത്തുമ്പോള്‍ സ്ത്രീ വിശേഷണവും ഗൂഗിള്‍ ട്രാന്‍സ്ലേറ്റില്‍ ഓട്ടോമാറ്റിക്കായി മുൻപ് ലഭിക്കുമായിരുന്നു. എന്നാല്‍ പുതിയ മാറ്റങ്ങളുടെ അടിസ്ഥാനത്തില്‍ ഈ പദങ്ങള്‍ക്ക് രണ്ട് തരത്തിലുള്ള വിശേഷണങ്ങളായിരിക്കും ഗൂഗിള്‍ നല്‍കുക. ഉദ്ദാഹരണത്തിന് 'സര്‍ജന്‍' എന്ന വാക്ക് പരിഭാഷയ്ക്കായി നല്‍കിയാല്‍ രണ്ട് വിവരണമായിരിക്കും ഗൂഗിള്‍ നല്‍കുക.

നിലവില്‍ ഇംഗ്ലീഷ്, ഫ്രഞ്ച്, ഇറ്റാലിയന്‍, പോര്‍ച്ചുഗീസ്, സ്പാനിഷ് എന്നീ ഭാഷകളിലാണ് ഈ സംവിധാനം അവതരിപ്പിച്ചിരിക്കുന്നത്. മറ്റ് ഭാഷകളിലും ഇത് പ്രാവര്‍ത്തികമാക്കാനുള്ള ഒരുക്കങ്ങളിലാണ് ഗൂഗിള്‍.
 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ആസിയാന്‍ ഉച്ചകോടിയില്‍ പങ്കെടുക്കുന്നതിനായി മോദി മനിലയിലേക്ക്; ട്രംപുമായി കൂടിക്കാഴ്ചയ്ക്ക് സാധ്യത

അമിതമായാൽ ഈന്തപ്പഴം 'പണി' തരും, ഒരു ദിവസം എത്ര കഴിക്കാം?

ഒരുമിച്ച് സ്വര്‍ണക്കച്ചവടം തുടങ്ങി; നന്ദകുമാറിന്റെ ബിസിനസ് വളര്‍ച്ചയില്‍ അസൂയ; ക്വട്ടേഷന്‍ നല്‍കിയത് 25 ലക്ഷത്തിന്‌

രാമായണ സിനിമ കോടികള്‍ വാരുമ്പോള്‍ ചടയമംഗലത്തെ 'ജടായു' വന്‍ഹിറ്റ്; സന്ദര്‍ശക പ്രവാഹം

'ഒരാളുടെയും ശുപാര്‍ശ കേള്‍ക്കരുത്'; റോഡു സുരക്ഷാ നിയമം കര്‍ശനമായി നടപ്പാക്കും, ജനപ്രതിനിധികള്‍ ഇടപെടരുതെന്ന് മുഖ്യമന്ത്രി