ദീപാവലി സീസണ്‍ വന്‍ വിജയമാക്കാന്‍ പ്രമുഖ ഇ-കോമേഴ്‌സ് സ്ഥാപനമായ ഫഌപ്പ്കാര്‍ട്ട്  ബിഗ് ദീപാവലി വില്‍പ്പനയ്ക്ക് തുടക്കമിട്ടു. ഒക്ടോബര്‍ 17 വരെ  നീണ്ടുനില്‍ക്കുന്ന വ്യാപാരമേളയില്‍ ഉപഭോക്താക്കളെ ആകര്‍ഷിക്കാന്‍ ഉല്‍പ്പനങ്ങള്‍ക്ക് വമ്പന്‍ ഓഫറുകളാണ് ഫഌപ്പ്കാര്‍ട്ട് പ്രഖ്യാപിച്ചിരിക്കുന്നത്. വിവിധ ഉല്‍പ്പനങ്ങള്‍ക്ക് ഡിസ്‌ക്കൗണ്ടുകളുടെ നീണ്ട നിരയാണ് ക്രമീകരിച്ചിരിക്കുന്നത്. വിപണിയില്‍ ഇറങ്ങിയ ഐഫോണ്‍ 8, ഐഫോണ്‍ 8 പ്ലസ് എന്നിവയുടെ തെരഞ്ഞെടുത്ത വകഭേദങ്ങള്‍ക്ക് ആറു ശതമാനം വരെ ഡിസ്‌ക്കൗണ്ട് പ്രഖ്യാപിച്ചിട്ടുണ്ട്. സ്മാര്‍ട്ട് ഫോണുകള്‍ക്ക് 20000 രൂപ വരെയുളള എക്‌സ്‌ചേഞ്ച് ഓഫറുകളാണ് മറ്റൊരു പ്രത്യേകത.

ഇതിന് പുറമേ എല്‍ഇഡി ടിവി, ലാപ്പ്‌ടോപ്പ്, ക്യാമറ തുടങ്ങി മറ്റു ഉല്‍പ്പനങ്ങള്‍ക്കും ആകര്‍ഷണീയമായ ഓഫറുകള്‍ ഫഌപ്പ് കാര്‍ട്ട് പ്രഖ്യാപിച്ചിട്ടുണ്ട്. എച്ച്ഡിഎഫ്‌സിയുടെ ഡെബിറ്റ് , ക്രെഡിറ്റ് കാര്‍ഡ് ഉപയോഗിക്കുന്നവര്‍ക്കും ഡിസ്‌ക്കൗണ്ട് ലഭിക്കും.  3500 രൂപവരെ ഡിസ്‌ക്കൗണ്ട് ലഭിക്കുന്ന സ്‌കീമുകളാണ് ഫഌപ്പുകാര്‍ഡ് ഒരുക്കിയിരിക്കുന്നത്.