കേന്ദ്ര ആഭ്യന്തര മന്ത്രാലയത്തിന് കീഴിലുള്ള നാഷണൽ ഫോറൻസിക് സയൻസസ് യൂണിവേഴ്സിറ്റി (NFSU) വിവിധ തസ്തികകളിൽ നിയമനം നടത്തുന്നു. സയന്റിഫിക്/ടെക്നിക്കൽ, നോൺ-അക്കാദമിക് തസ്തികകളിലേക്കുള്ള നിയമനത്തിനായി വിജ്ഞാപനം പുറത്തിറക്കി.

ഫോറൻസിക് സയൻസ്, എഞ്ചിനീയറിങ്, അഡ്മിനിസ്ട്രേഷൻ, ലൈബ്രറി സയൻസ് എന്നീ മേഖലകളിൽ കോഴ്സുകൾ പൂർത്തിയാക്കിവർക്കാണ് അവസരം. ആകെ 57 ഒഴിവുകളാണ് ഉള്ളത്. അപേക്ഷകൾ സമർപ്പിക്കേണ്ട അവസാന തീയതി 18 ജനുവരി 2026.

സയന്റിഫിക് & ടെക്നിക്കൽ തസ്തികകൾ (ആകെ: 30)

1. സീനിയർ സയന്റിഫിക് ഓഫീസർ (ഫോറൻസിക് സൈക്കോളജി / ഹാപ്പിനസ്) – 02

2. ജൂനിയർ സയന്റിഫിക് ഓഫീസർ (ഹാപ്പിനസ് / മൾട്ടിമീഡിയ / ഡി.എൻ.എ) – 03

3. സീനിയർ സയന്റിഫിക് അസിസ്റ്റന്റ് (മൾട്ടിമീഡിയ ഫോറൻസിക്‌സ്) – 01

4. ലബോറട്ടറി അസിസ്റ്റന്റ് – 24

നോൺ-അക്കാദമിക് തസ്തികകൾ (ആകെ: 27)

1. ഡെപ്യൂട്ടി രജിസ്ട്രാർ – 03

2. അസിസ്റ്റന്റ് രജിസ്ട്രാർ – 09

3. ഡെപ്യൂട്ടി എഞ്ചിനീയർ (സിവിൽ) – 01

4. അസിസ്റ്റന്റ് എഞ്ചിനീയർ (സിവിൽ / ഇലക്ട്രിക്കൽ) – 05

5. സ്റ്റാറ്റിസ്റ്റിക്കൽ അസിസ്റ്റന്റ് – 05

6. അസിസ്റ്റന്റ് ലൈബ്രേറിയൻ – 01

7. ലൈബ്രറി അസിസ്റ്റന്റ് – 03

വിദ്യാഭ്യാസ യോഗ്യത

സീനിയർ സയന്റിഫിക് ഓഫീസർ:
ബന്ധപ്പെട്ട വിഷയത്തിൽ പി.എച്ച്.ഡി നേടിയതോടൊപ്പം 2 വർഷത്തെ പ്രവൃത്തി പരിചയം അല്ലെങ്കിൽ സൈക്കോളജി / ക്രിമിനോളജി വിഷയങ്ങളിൽ മാസ്റ്റർ ബിരുദത്തിനൊപ്പം 5 വർഷത്തെ പ്രവൃത്തി പരിചയം.

ജൂനിയർ സയന്റിഫിക് ഓഫീസർ:
സൈക്കോളജി / ക്രിമിനോളജി / കമ്പ്യൂട്ടർ സയൻസ് / ഫോറൻസിക് സയൻസ് / ബയോടെക്നോളജി തുടങ്ങിയ ബന്ധപ്പെട്ട വിഷയങ്ങളിൽ മാസ്റ്റർ ബിരുദം അല്ലെങ്കിൽ ബന്ധപ്പെട്ട ശാഖയിൽ ബി.ഇ / ബി.ടെക് ബിരുദം നേടിയതോടൊപ്പം 3 വർഷത്തെ പ്രവൃത്തി പരിചയം.

ലബോറട്ടറി അസിസ്റ്റന്റ്:
ഫിസിക്സ്, മാത്തമാറ്റിക്സ്, ബോട്ടണി, സുവോളജി, മൈക്രോബയോളജി, ബയോടെക്നോളജി, കെമിസ്ട്രി, ഫോറൻസിക് സയൻസ് തുടങ്ങിയ വിഷയങ്ങളിൽ ഏതെങ്കിലും ഒന്നിൽ ബിരുദം.

ഡെപ്യൂട്ടി / അസിസ്റ്റന്റ് രജിസ്ട്രാർ:
കുറഞ്ഞത് 55% മാർക്കോടെ ബിരുദാനന്തര ബിരുദം. അഡ്മിനിസ്ട്രേഷൻ/അക്കാദമിക്സിൽ പരിചയം (ഡെപ്യൂട്ടിക്ക് 9 വർഷം, അസിസ്റ്റന്റിന് 3 വർഷം).

അസിസ്റ്റന്റ് എഞ്ചിനീയർ:
സിവിൽ / ഇലക്ട്രിക്കൽ എഞ്ചിനീയറിങ് വിഷയത്തിൽ കുറഞ്ഞത് 55 ശതമാനം മാർക്കോടെ ബിരുദം.

സ്റ്റാറ്റിസ്റ്റിക്കൽ അസിസ്റ്റന്റ്:
സ്റ്റാറ്റിസ്റ്റിക്സ് മുഖ്യ വിഷയമായുള്ള ബിരുദം.

ലൈബ്രറി അസിസ്റ്റന്റ്:
ലൈബ്രറി & ഇൻഫർമേഷൻ സയൻസ് വിഷയത്തിൽ ബിരുദം, കൂടാതെ ഇംഗ്ലീഷിൽ മിനിറ്റിൽ 30 വാക്കുകളുടെ ടൈപ്പിങ് വേഗത.

കൂടുതൽ വിവരങ്ങൾക്ക് https://nfsu.ac.in/Regular_Recruitment സന്ദർശിക്കുക.