വണ്പ്ലസ് നോര്ഡ് 6 ഇന്ത്യയില് പുറത്തിറക്കി. ഇന്ത്യയിലെ മിഡ് റേഞ്ച് പ്രീമിയം സെഗ്മെന്റിലേക്കാണ് വണ്പ്ലസിന്റെ പുത്തന് നോര്ഡ് മോഡല് എത്തിയത്. 9000mAh ബാറ്ററിയും, അത്യാധുനിക സ്നാപ് ഡ്രാഗണ് പ്രോസസറുമാണ് ശ്രദ്ധേയമായ ഫീച്ചര്. വേഗതയേറിയ ചിപ്പും, വലിയ ശേഷിയുള്ള ബാറ്ററിയും, വ്യത്യസ്ത ഡിസൈനുമാണ് ഫോണിനുള്ളത്. ഉയര്ന്ന നിലവാരമുള്ള പ്രകടനം തേടുന്നവര്ക്ക് നോര്ഡ് 6 ഒരു നല്ല ഓപ്ഷനാണ്.
മികച്ച കാമറയും അതിവേഗ ചാര്ജിങ്ങും ഉള്പ്പെടെ വണ്പ്ലസിന് ആകര്ഷകമാക്കുന്നു. 8 ജിബി റാം + 256 ജിബി സ്റ്റോറേജ്, 12 ജിബി റാം + 256 ജിബി സ്റ്റോറേജ് എന്നിങ്ങനെ രണ്ട് കോണ്ഫിഗറേഷനുകളിലാണ് വണ്പ്ലസ് നോര്ഡ് 6 പുറത്തിറക്കിയിരിക്കുന്നത്. അടിസ്ഥാന വേരിയന്റിന് 38,999 രൂപയും 12 ജിബി മോഡലിന് 41,999 രൂപയുമാണ് വില. ക്വിക്ക് സില്വര്, ഫ്രഷ് മിന്റ്, പിച്ച് ബ്ലാക്ക് തുടങ്ങിയ കളര് ഓപ്ഷനുകളില് സ്മാര്ട്ട്ഫോണ് ലഭ്യമാകും.
ഡിസ്പ്ലേ: വണ്പ്ലസ് നോര്ഡ് 6 ഫോണില് 6.79 ഇഞ്ച് 1.5K AMOLED ഡിസ്പ്ലേയുണ്ട്. ഇതിന് 165ഒ്വ റിഫ്രഷ് റേറ്റ് സപ്പോര്ട്ട്, 3600 നിറ്റ്സ് പീക്ക് ബ്രൈറ്റ്നസ് സപ്പോര്ട്ടുമുണ്ട്. കാമറ: കാമറയിലേക്ക് വന്നാല് ഫോണില് ഡ്യുവല് റിയര് സെന്സറാണുള്ളത്. ഇതില് 50 മെഗാപിക്സല് സോണി LYTIA600 പ്രൈമറി സെന്സറുണ്ട്. ഫോണിന് സെക്കന്ഡറി കാമറയായി 8-മെഗാപിക്സല് അള്ട്രാ-വൈഡ് സെന്സര് കൊടുത്തിരിക്കുന്നു. കണക്റ്റിവിറ്റി ഓപ്ഷനുകളില് 5ജി, Wi-Fi 7, Bluetooth 6 എന്നിവ ഉള്പ്പെടുന്നു. ബയോമെട്രിക്സ് കൈകാര്യം ചെയ്യുന്നത് ഇന്-ഡിസ്പ്ലേ ഫിംഗര്പ്രിന്റ് സെന്സറാണ്. പാക്കേജിന്റെ റൗണ്ടിങ്ങില് ഇരട്ട സ്പീക്കറുകളും ഡസ്റ്റ്, വാട്ടര് റെസിസ്റ്റന്റ് എന്നിവയ്ക്കുള്ള ഐപി66, ഐപി68, ഐപി69 റേറ്റിങ്ങുകളും ഉണ്ട്.
ഇന്ത്യയില്, വണ്പ്ലസ് നോര്ഡ്-6 2026 ഏപ്രില് 9 ന് ഉച്ചയ്ക്ക് 12 മണി മുതല് ഓപ്പണ് സെയില് ആരംഭിക്കും. ആമസോണ്, വണ്പ്ലസ് ഇന്ത്യ വെബ്സൈറ്റ്, വണ്പ്ലസ് സ്റ്റോര് ആപ്പ് എന്നിവയിലൂടെയും വണ്പ്ലസ് എക്സ്പീരിയന്സ് സ്റ്റോറുകള്, തെരഞ്ഞെടുത്ത റീട്ടെയില് ഔട്ട്ലെറ്റുകള് എന്നിവയിലൂടെ ഓഫ്ലൈനായും ഫോണ് ലഭ്യമാകും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates