മുംബൈ: കാമറ കേന്ദ്രീകരിച്ചുള്ള ഫ്‌ലാഗ്ഷിപ്പ് ഫോണായ ഫൈൻഡ് എക്‌സ്9 അൾട്ര നാളെ ആ​ഗോള വിപണിയിൽ അവതരിപ്പിക്കും. ഫൈൻഡ് എക്‌സ്9 അൾട്രയുടെ വലതുവശത്ത് ഓറഞ്ച് നിറത്തിലുള്ള ഒരു കാമറ ബട്ടൺ ടീസർ വെളിപ്പെടുത്തുന്നു.ഫൈൻഡ് എക്‌സ്9 അൾട്രയുടെ പിൻ കാമറ മൊഡ്യൂൾ ഡിസൈനിന്റെ ചിത്രവും ടീസർ വ്യക്തമാക്കുന്നു.

വൃത്താകൃതിയിലുള്ള കാമറ മൊഡ്യൂളാണ് അൾട്രയിൽ ഉപയോഗിച്ചിരിക്കുന്നത്. ഫൈൻഡ് എക്‌സ്9 അൾട്രയിൽ 200MP പ്രൈമറി സെൻസർ, 200MP പെരിസ്‌കോപ്പ് ടെലിഫോട്ടോ, 10x ഒപ്റ്റിക്കൽ സൂമുള്ള 50MP പെരിസ്‌കോപ്പ് ടെലിഫോട്ടോ, 50MP അൾട്രാവൈഡ് യൂണിറ്റ് എന്നിവയുള്ള ക്വാഡ്-റിയർ കാമറ സജ്ജീകരണം ഉണ്ടായിരിക്കും.

144Hz റിഫ്രഷ് റേറ്റ് ഉള്ള 6.82 ഇഞ്ച് LTPO AMOLED ഡിസ്പ്ലേ, സ്നാപ്ഡ്രാഗൺ 8 എലൈറ്റ് ജെൻ 5 SoC, 100W ഫാസ്റ്റ് ചാർജിംഗ് പിന്തുണയുള്ള 7,050mAh ബാറ്ററി എന്നിവ ഇതിനോടൊപ്പം ഉണ്ടാകുമെന്നും പ്രതീക്ഷിക്കുന്നു. 1,25,000നും 1,60,000നും ഇടയിലായിരിക്കും വില എന്നാണ് പ്രതീക്ഷിക്കുന്നത്.