ആരോ​ഗളതലത്തിൽ വർധിച്ചുവരുന്ന ​ഗുരുതര മസ്തിഷ്ക രോ​ഗമായ എൻസെഫലൈറ്റിസിനെതിരെ മുന്നറിയിപ്പുമായി ലോകാരോഗ്യ സംഘടന. ഓരോ മിനിറ്റിലും മൂന്ന് പേരെ മസ്തിഷ്ക ജ്വരം ബാധിക്കുന്നുവെന്നാണ് ലോകാരോ​ഗ്യസംഘടനയുടെ കണ്ടെത്തൽ. എന്നാൽ 77 ശതമാനം ആളുകളും എൻസെഫലൈറ്റിസിനെ കുറിച്ച് ബോധവാന്മാരല്ലാത്തത് വെല്ലുവിളിയാകുന്നുവെന്നും ഡബ്ല്യുഎച്ച്ഒ പറയുന്നു.

എന്താണ് എൻസെഫലൈറ്റിസ് അഥവ മസ്തിഷ്ക ജ്വരം

അണുബാധകൾ അല്ലെങ്കിൽ സ്വയം രോഗപ്രതിരോധ പ്രതികരണങ്ങൾ മൂലം തലച്ചോറിന് ഉണ്ടാകുന്ന വീക്കമാണ് എൻസെഫലൈറ്റിസ്. ഇത് തലച്ചോറിനെ തകരാറിലാക്കുകയും ഓർമക്കുറവ്, സ്ഥിരമായ വൈകല്യം തുടങ്ങിയ ഗുരുതരമായ സങ്കീർണതകൾക്ക് നയിക്കുകയും ചെയ്യാം. ഏത് പ്രായക്കാർക്കും മസ്തിഷ്ക ജ്വരം സംഭവിക്കാം. പ്രധാനമായും രണ്ട് തരത്തിലാണ് മസ്തിഷ്ക ജ്വരം ഉണ്ടാവുക.

• വൈറസുകൾ മൂലമുണ്ടാകുന്ന സാംക്രമിക എൻസെഫലൈറ്റിസ്.

• ശരീരത്തിന്റെ രോഗപ്രതിരോധ സംവിധാനം തെറ്റായി തലച്ചോറിനെ ആക്രമിക്കുമ്പോൾ ഉണ്ടാകുന്നതാണ് ഓട്ടോഇമ്മ്യൂൺ എൻസെഫലൈറ്റിസ്.

2024-ലെ സര്‍വെ പ്രകാരം ഇന്ത്യയിലെ 24 സംസ്ഥാനങ്ങളിലായി 1,548 ജാപ്പനീസ് എന്‍സിഫലിറ്റിസ് കേസുകള്‍ റിപ്പോര്‍ട്ട് ചെയ്തിട്ടുണ്ട്. റിപ്പോര്‍ട്ട് ചെയ്യപ്പെടാത്ത നിരവധി കേസുകള്‍ വെറെ ഉണ്ടെന്നും ആരോഗ്യ വിദഗ്ധര്‍ ചൂണ്ടിക്കാണിക്കുന്നു. കാലാവസ്ഥാ വ്യതിയാനം, നഗരവൽക്കരണം, ആഗോള വ്യാപാരം എന്നിവ സാംക്രമിക എൻസെഫലൈറ്റിസിന്‍റെ വ്യാപനം വര്‍ധിപ്പിക്കുന്നു. രോഗം നിയന്ത്രിക്കുന്നതിന് ശക്തമായ നിരീക്ഷണവും വാക്സിനേഷൻ പരിപാടികളും ആവശ്യമാണെന്നും ഡബ്ല്യുഎച്ച്ഒ പുറത്തിറക്കിയ പ്രസ്താവനയില്‍ പറയുന്നു.

'കൗണ്ട്ഡൗൺ ടു ചേഞ്ച്'

മസ്തിഷ്ക ജ്വരത്തെ തുര്‍ന്നുണ്ടാകുന്ന അവബോധം സൃഷ്ടിക്കുന്നതിന് എൻസെഫലൈറ്റിസ് ഇന്റർനാഷണലിന്‍റെ ക്യാമ്പയ്ന്‍ ആണ് കൗണ്ട്ഡൗൺ ടു ചേഞ്ച്. 2025 ഫെബ്രുവരി 22 ഓടെ 50,000 പൗണ്ട് സമാഹരിക്കുക എന്നതാണ് ഇതിന്റെ ലക്ഷ്യം. ലോകമെമ്പാടുമുള്ള രോഗികൾക്ക് രോഗനിർണയം, ചികിത്സാ പ്രവേശനം, പോസ്റ്റ്-കെയർ പിന്തുണ എന്നിവ മെച്ചപ്പെടുത്തുന്നതിന് ഈ ഫണ്ടുകൾ ഉപയോഗിക്കും.

ലക്ഷണങ്ങള്‍

പനി അല്ലെങ്കിൽ തലവേദന പോലുള്ള ചെറിയ ഇൻഫ്ലുവൻസ ലക്ഷണങ്ങളുണ്ട് അല്ലെങ്കിൽ രോഗലക്ഷണങ്ങളില്ലാതെ സ്വയം പ്രത്യക്ഷപ്പെടാം. എന്നാല്‍ ചില ഗുരുതര സാഹചര്യങ്ങളില്‍ ലക്ഷണങ്ങള്‍ ഗുരുതരമായേക്കാം.

• ആശയക്കുഴപ്പവും ബോധക്ഷയവും

• ഓർമ്മക്കുറവും മാനസിക ലക്ഷണങ്ങളും

• പെരുമാറ്റത്തിലെ മാറ്റങ്ങളും അപസ്മാരവും

മസ്തിഷ്ക കോശങ്ങളുടെ വേഗത്തിലുള്ള വളർച്ച ഓട്ടിസത്തിന് കാരണമായേക്കാം; പഠനം

മസ്തിഷ്ക ജ്വരം ഉണ്ടാക്കാവുന്ന വൈറസുകള്‍

• ജനനേന്ദ്രിയ ഹെർപ്പസിന് കാരണമാകുന്ന ഹെർപ്പസ് സിംപ്ലക്സ് വൈറസ് ഗുരുതരമായ മസ്തിഷ്ക ക്ഷതത്തിലേക്ക് നയിക്കാം. എപ്സ്റ്റൈൻ-ബാർ വൈറസ്, വരിസെല്ല-സോസ്റ്റർ വൈറസ്, എന്ററോവൈറസുകൾ എന്നിവ എന്‍സിഫലിറ്റിസിലേക്ക് നയിക്കാം.

• കൊതുകുകളും പ്രാണികളും; കൊതുകുകൾ വഴി പടരുന്ന വൈറസുകൾ കൊതുകുകൾ വഹിക്കുന്ന ചില വൈറസുകൾ ഈ അവസ്ഥയ്ക്ക് കാരണമാകും. പ്രാണികൾ എൻസെഫലൈറ്റിസ് ഉണ്ടാക്കുന്ന വൈറസിനെ വഹിക്കുന്നു.

• റാബിസ്; സാധാരണയായി രോഗബാധിതനായ ഒരു മൃഗത്തിന്റെ കടിയിലൂടെ പകരുന്ന റാബിസ് വൈറസ് ബാധിച്ചാൽ ലക്ഷണങ്ങൾ വേഗത്തിൽ എൻസെഫലൈറ്റിസ് ആയി മാറുന്നു.

• കുട്ടികളില്‍ ഉണ്ടാകുന്ന മീസിൽസ് (റൂബിയോള), മുണ്ടിനീര്, ജർമ്മൻ മീസിൽസ് (റൂബെല്ല) തുടങ്ങിയ അണുബാധകളാണ് സെക്കൻഡറി എൻസെഫലൈറ്റിസ് ഉണ്ടാക്കുന്നത്. ഈ രോഗങ്ങൾക്കുള്ള വാക്സിനുകള്‍ ഉള്ളതിനാല്‍ ഇവ ഇപ്പോള്‍ അപൂര്‍മാണ്.