ലഘുഭക്ഷണം അല്ലെങ്കിൽ സ്നാക്കിങ് എന്നൊക്കെ കേൾക്കുമ്പോൾ ചിപ്സ്, ഫ്രെഞ്ച് ഫ്രൈസ് പോലുള്ള ഭക്ഷണങ്ങൾ ആണെന്ന് ചിന്തിക്കുന്നവരുണ്ട്. ഇത് ഒട്ടും ആരോ​ഗ്യകരമായ ചോയിസ് അല്ല. നമ്മുടെ ദൈനംദിന ഭക്ഷണക്രമത്തിലെ ഒരു പ്രധാന ഭാ​ഗമാണ് ലഘുഭക്ഷണം.

ഇത് ഊർജ്ജം നൽകുന്നതും പോഷകസമൃദ്ധവുമായിരിക്കണം. 2016-ൽ എൽസെവിയറിൽ പ്രസിദ്ധീകരിച്ച പഠനത്തിൽ ഊർജ്ജ ഉപഭോഗത്തിന്റെ മൂന്നിലൊന്ന് ഭാഗവും ലഘുഭക്ഷണങ്ങളിൽ നിന്നാണ് ലഭിക്കുന്നതെന്ന് ചൂണ്ടിക്കാണിക്കുന്നു.

സ്നാക്കിങ്ങിന്റെ ഈ നെ​ഗറ്റീവ് ഇമേജ് മാറ്റാൻ ലഘുഭക്ഷണത്തെ കുറിച്ച് മനസിലാക്കേണ്ടത് പ്രധാനമാണെന്ന് റായ്പൂരിൽ നിന്നുള്ള കാൻസർ സർജനായ ഡോ. ജയേഷ് ശർമ പറയുന്നു.

എന്താണ് ലഘുഭക്ഷണം

പ്രധാന ഭക്ഷണങ്ങൾക്കിടയിൽ കഴിക്കുന്ന ലഘുവായ ഭക്ഷണമാണ് സ്നാക്സ്. ചെറിയ അളവിൽ കഴിക്കുന്ന ഇവ ഊർജ്ജം നൽകുന്നവയാണ്. ആരോ​ഗ്യകരമായ ലഘുഭക്ഷണം തിരഞ്ഞെടുക്കുമ്പോൾ സ്ഥിരമായ ഊർജ്ജം ആവശ്യമാണെന്ന് ഓർമിക്കേണ്ടതുണ്ട്. അതുകൊണ്ട് തന്നെ പഞ്ചസാര അടങ്ങിയ ഭക്ഷണങ്ങൾ പരമാവധി ഒഴിവാക്കുക.

ഇത് രക്തത്തിലെ പഞ്ചസാരയുടെ അളവു പെട്ടെന്ന് കൂട്ടുകയും വേ​ഗത്തിൽ വിശക്കാൻ കാരണമാകുകയും ചെയ്യുന്നു. അൾട്രാ-പ്രോസസ്ഡ് ഭക്ഷണം പൂർണമായും ഒഴിവാക്കണം. അത് ഒരിക്കലും ആരോ​ഗ്യകരമായ ഒരു ചോയിസ് അല്ല. വയറു നിറഞ്ഞ തോന്നൽ ഉണ്ടാക്കാൻ ഉയർന്ന അളവിൽ പ്രോട്ടീനും നാരുകളും അടങ്ങിയ ഭക്ഷണങ്ങൾ വേണം തിരഞ്ഞെടുക്കാൻ.

ആരോഗ്യകരവും രുചികരവുമായ ചില ലഘുഭക്ഷണങ്ങൾ

• വറുത്ത മഖാന

• ശർക്കര ചേർത്ത കടല (ചാന)

• സ്പ്രൗട്ട്സ് സാലഡ്

• റൊട്ടി റോൾ