വ്യായാമം ചെയ്യാൻ ഏതാണ് ഉചിതമായ സമയം? ചിലർ പറയും രാവിലെയെന്ന് മറ്റുചിലരാകട്ടെ വൈകുനേരം വ്യായാം ചെയ്യുന്നതാണ് നല്ലതെന്ന പക്ഷക്കാരാണ്. അതുകൊണ്ട് വ്യായാമത്തിൽ ഏറ്റവും അനുയോജ്യമായ സമയം കണ്ടെത്താനുള്ള ശ്രമം ഇപ്പോഴും തുടർന്നുകൊണ്ടിരിക്കുകയാണ്. 

രാവിലെ വ്യായാമം ചെയ്യുന്നത് വയറ് കുറയ്ക്കാൻ സ്ത്രീകളെ സഹായിക്കുമെന്ന് മുമ്പൊരു പഠനത്തിൽ കണ്ടെത്തിയിരുന്നു. എന്നാലിതാ പുതിയ പഠനം പറയുന്നതനുസരിച്ച് ഉച്ചസമയത്തെ വ്യായാമമാണ് രാവിലെയോ വൈകുന്നേരമോ വ്യായാമം ചെയ്യുന്നതിനേക്കാൾ ഫലപ്രദം. ഇത് അകാലമരണം തടയുമെന്നാണ് ഗവേഷകർ പറയുന്നത്. കണക്കുകൾ പരിശോധിക്കുമ്പോൾ ആളുകൾക്ക് ഹൃദയാഘാതം ഉണ്ടാകാൻ സാധ്യത കുറവുള്ള സമയവുമാണ് ഉച്ചതിരിഞ്ഞുള്ള സമയമെന്നും ഗവേഷകർ ചൂണ്ടിക്കാട്ടി. 

വ്യായാമം ചെയ്യുന്നവർ വർക്കൗട്ടൊന്നും ചെയ്യാത്ത ആളുകളെ അപേക്ഷിച്ച് കൂടുതൽ കാലം ജീവിക്കുമെന്നും ഗവേഷകർ കണ്ടെത്തി. ദിവസത്തിലെ ഏത് മണിക്കൂറിൽ വ്യായാമം ചെയ്താലും ഒന്നും ചെയ്യാത്തതിനേക്കാൾ പ്രയോജനം ലഭിക്കുമെന്നാണ് നേച്ചർ കമ്മ്യൂണിക്കേഷൻ എന്ന ജേണലിൽ പ്രസിദ്ധീകരിച്ച പഠനം പറയുന്നത്.

ഈ വാര്‍ത്ത കൂടി വായിക്കൂ 

കരളിന്റെ ആരോഗ്യം മുതൽ മുടി കൊഴിച്ചിൽ തടയാൻ വരെ നെല്ലിക്ക; ദിവസവും ഒരു ഷോട്ട് അടിക്കാം 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ