അസാധാരണമെന്ന് തോന്നുന്ന രുചിയും മണലുമൊക്കെ ഇഷ്ടപ്പെടുന്ന പലരെ കുറിച്ചും നമ്മൾ നേരത്തെ കേട്ടിട്ടുണ്ട്. അത്തരത്തിൽ ഒരു കഥയാണ് മിഷിഗൺ സ്വദേശിനിയായ 28കാരി നിക്കോളിന്റേത്. ഉണങ്ങിയ ഭിത്തി പൊളിച്ച് കഴിക്കുന്നതാണ് നിക്കോളിന് ഇഷ്ടം. ഈ ഇഷ്ടം അൽപം കടന്നു പോയി എന്നാണ് നിക്കോളിന്റെ വീടു കാണുന്നവർ പറയുന്നത്. വീടിന്റെ ഭിത്തികളുടെ പലഭാഗവും നിക്കോൾ ഭക്ഷണമാക്കിയിരിക്കുകയാണ്. 

ഒൻപതു വർഷം മുൻപാണ് താൻ ഈ ശീലം ആരംഭിച്ചെന്ന് നിക്കോൾ പറയുന്നു. അന്ന് ഭിത്തിയുടെ മണം ഇഷ്ടപ്പെട്ട് ആദ്യം ഒരു രസത്തിന് കഴിച്ചു തുടങ്ങിയതാണ്. എന്നാൽ ഇപ്പോൾ താൻ ആ ശീലത്തോട് അടിമപ്പെട്ടിരിക്കുന്നുവെന്നും നിക്കോൾ പറയുന്നു. നിക്കോളിന്റെ വീട് നിറയെ ഇത്തരത്തിൽ തുരന്നു വെച്ചിരിക്കുകയാണ്. സ്വന്തം വീട് മാത്രമല്ല, ചെല്ലുന്ന വീടുകളിലും ഇത്തരത്തിൽ ഭിത്തി പൊളിച്ചു കഴിക്കാൻ തുടങ്ങിയതോടെ സുഹൃത്തുക്കളും ബന്ധുക്കളും തന്നെ വീട്ടിൽ കയറ്റാതായെന്നും നിക്കോൾ പറയുന്നു. 

ഇതിനപ്പുറം ഈ ശീലം നിക്കോളിന്റെ ആരോഗ്യത്തിന് തന്നെ വെല്ലുവിളി ഉയർത്തുന്നതാണ്. കെട്ടിട നിർമ്മാണത്തിന് ഉപയോഗിക്കുന്ന വസ്തുക്കൾ ദഹനപ്രക്രിയയ്ക്ക് യോജിച്ചവയല്ല. രാസവസ്തുക്കളുടെ സാന്നിധ്യം മൂലം ഉണ്ടാകുന്ന പ്രശ്നങ്ങൾ വേറെയും. ഇവ ശരീരത്തിനുള്ളിൽ ചെല്ലുന്നത് കാൻസറിന് വരെ കാരണമാകാം. ഇക്കാര്യങ്ങളൊക്കെ അറിയാമെങ്കിലും ശീലം ഉപേക്ഷിക്കാനാവില്ലെന്ന നിലപാടിലാണ് നിക്കോൾ.

ഈ വാർത്ത കൂടി വായിക്കൂ 

'സ്ത്രീകൾ തല്ലിത്തീറ്റിക്കുന്ന റെസ്റ്റോറന്റ്'; ഒരു തല്ലിന് 170 രൂപ, വിദേശത്ത് നിന്നു വരെ ആളുകൾ ഒഴുകിയെത്തുന്നു, വൈറൽ വിഡിയോ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ