ഒരാളെ മുഖാമുഖം കണ്ട് ബന്ധം സ്ഥാപിക്കുന്നതിൽ നിന്ന് വളരെ വ്യത്യസ്തമാണ് ഓൺലൈൻ വഴി അടുപ്പത്തിലാകുന്നത്. ഇതിന് കൂടുതൽ സമയവും പ്രയത്‌നവും ആവശ്യമാണ്. എന്നാൽ ചില കാര്യങ്ങൾ ശ്രദ്ധിച്ചാൽ നേരിട്ട് കാണാതെയും നല്ല ബന്ധങ്ങൾ സ്ഥാപിച്ചെടുക്കാനാകും. 

►ഏതൊരു ബന്ധത്തിലും എന്നപോലെ ഓൺലൈൻ റിലേഷൻഷിപ്പിലും സത്യസന്ധത പ്രധാന പങ്ക് വഹിക്കും. നിങ്ങൾ നിങ്ങളോടുതന്നെ സത്യസന്ധത പുലർത്താൻ ശ്രമിക്കണം. നിങ്ങൾ ആരാണെന്നത് മറച്ചുപിടിച്ച് മറ്റൊരാളെപ്പോലെ പെരുമാറാൻ ശ്രമിക്കാതിരിക്കുക എന്നത് പ്രധാനമാണ്. 

►ആശയവിനിമയം പ്രധാനമാണ്. നിങ്ങൾ ബന്ധം സ്ഥാപിക്കാൻ ആഗ്രഹിക്കുന്ന വ്യക്തിയുമായി സ്ഥിരമായി തുറന്ന് സംസാരിക്കുന്നുണ്ടെന്ന് ഉറപ്പുവരുത്തണം. 

►പങ്കാളിയുടെ ജീവിതത്തിൽ സംഭവിക്കുന്ന കാര്യങ്ങളിലും ആ വ്യക്തിയുടെ ഇഷ്ടങ്ങളിലുമൊക്കെ താത്പര്യം കാണിക്കണം. അവരോട് സംശയങ്ങൾ ചോദിക്കുന്നതും പറയാനുള്ളപ്പോൾ കേട്ടിരിക്കുന്നതുമെല്ലാം ബന്ധത്തിന് കൂടുതൽ ആഴം നൽകും

►രണ്ടുപേർക്കും ഒരുപോലെ താത്പര്യമുള്ള വിഷയങ്ങൾ കണ്ടെത്തണം. ഇത് തമ്മിൽ കൂടുതൽ അടുപ്പം തോന്നാനും ബന്ധത്തിന് ദൃഢത പകരാനും സഹായിക്കും. 

►ഏതൊരു ബന്ധവും രുപപ്പെട്ടുവരാൻ സമയമെടുക്കും. ഓൺലൈൻ റിലേഷൻഷിപ്പുകൾ കുറച്ചുകൂടി സമയമെടുക്കുന്നവയാണ്. അതുകൊണ്ട് ക്ഷമയോടെ കാര്യങ്ങളെ സമീപിക്കുന്നതാണ് നല്ലത്. തിരക്ക് കൂട്ടുന്നത് സഹായിക്കില്ല. 

►വിഷമഘട്ടങ്ങളിൽ പങ്കാളിക്കൊപ്പം നിൽക്കാൻ ശ്രദ്ധിക്കണം, അവരുടെ വിജയങ്ങൾ ആഘോഷിക്കാനും മറക്കരുത്. ഇത് വിശ്വാസം വളർത്തിയെടുക്കാനും ബന്ധം കൂടുതൽ ശക്തിപ്പെടുത്താനും സഹായിക്കും. 

►കഴിയുമ്പോഴെല്ലാം വിഡിയോ ചാറ്റിലൂടെ സംസാരിക്കാം. മെസേജ് അയക്കുകയും ഫോൺ വിളിക്കുകയും ചെയ്യുന്നതിനേക്കാൾ ഫലപ്രദമാണിത്. വിഡിയോ കോളുകൾ പരസ്പരം കാണാനും മുഖഭാവങ്ങളും ശരീരഭാഷയുമൊക്കെ മനസ്സിലാക്കാനും സഹായിക്കും. ഇത് കൂടുതൽ അടുക്കാൻ പ്രേരിപ്പിക്കുന്ന ഘടകങ്ങളാണ്.

ഈ വാര്‍ത്ത കൂടി വായിക്കൂ

പൊക്കമാണോ പ്രശ്‌നം? ഞൊടിയിടയില്‍ ഉയരം കൂട്ടാം, ഈ ഫാഷന്‍ ടിപ്‌സ് പരീക്ഷിക്കൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ‌