മക്കളെ പോലെയാണ് പലരും തങ്ങളുടെ വളർത്തുമൃ​ഗങ്ങളെ പരിചരിക്കുന്നത്. കുടുംബത്തിൽ നടക്കുന്ന എല്ലാം ആഘോഷങ്ങളിലെയും താരം അവയായിരിക്കും. അത്തരത്തിൽ ഒരു വിവാഹ വേദിയിൽ സിനിമ സ്റ്റൈലിൽ എത്തുന്ന ഒരു പൂച്ചയാണ് ഇപ്പോഴത്തെ സോഷ്യൽമീഡിയ താരം.

ടോയി കാറിൽ ആൾകൂട്ടത്തിന് നടുവിലേക്ക് കാറോടിച്ച് വിവാഹ മോതിരവുമായി എത്തുന്ന പൂച്ചക്കുട്ടി. സോഷ്യൽ മീഡിയയിലെ ഈ കൗതുക കാഴ്ച ഒരു കോടിയിലധികം ആളുകളാണ് ഇതിനോടകം കണ്ടത്. ആറ് ലക്ഷത്തിലധികം ആളുകൾ വീഡിയോയ്‌ക്ക് ലൈക്കടിച്ചിട്ടുണ്ട്.

ഡോ. ആൽഫിൻ എന്ന ഇൻസ്റ്റാ​ഗ്രാം പേജിലൂടെയാണ് വീഡിയോ പങ്കുവെച്ചിരിക്കുന്നത്. 'ഞാൻ വരുന്നത് കണ്ട് എല്ലാവരും ചിരിച്ചു, ഞാൻ നന്നായി ചെയ്‌തു, എക്കാലത്തേയും മികച്ച റിങ് ബിയർ' എന്ന കുറിപ്പോടെയാണ് വീ‍ഡിയോ പോസ്റ്റ് ചെയ്‌തിരിക്കുന്നത്.

ഈ വാർത്ത കൂടി വായിക്കൂ 

'അത് ‍ഡ്യുപ്ലിക്കേറ്റ് ഇത് ഒറിജിനൽ കല്യാണം'; വൈറൽ ഫോട്ടോഷൂട്ട് താരം സൂസൻ തോമസ് വിവാഹിതയായി

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ