ഭോപ്പാല്: ചില സമയങ്ങളില് അസാമാന്യ ധൈര്യം കാണിക്കുന്ന കുട്ടികളുടെ വാര്ത്തകള് വരാറുണ്ട്. മധ്യപ്രദേശില് നിന്നാണ് അത്തരത്തിലൊരു വാര്ത്ത വരുന്നത്. കുര്സി ഖാപ ഗ്രാമത്തില് തന്നെ ആക്രമിക്കാനെത്തിയ പുള്ളിപ്പുലിയുടെ കഴുത്തിന് പിടിച്ചു നിര്ത്തുകയായിരുന്നു പതിമൂന്നുകാരന്. എട്ടാം ക്ലാസ് വിദ്യാര്ഥിയായ സത്യ ഠാക്കൂര് വീടിനു സമീപത്തെ കൃഷിയിടത്തിലെ കിണറിനടുത്ത് വൈകിട്ട് ഏഴുമണിയോടെ കളിച്ചുകൊണ്ടിരിക്കുമ്പോഴാണ് കുറ്റിക്കാട്ടില്നിന്നു ചാടിവീണ പുള്ളിപ്പുലി ആക്രമിച്ചത്.
സത്യ അതിന്റെ കഴുത്തില് പിടിച്ചു നിര്ത്തി. കുട്ടിയുടെ വയറിലും കാലുകളിലും പുലിയുടെ നഖം കൊണ്ട് പരുക്കേറ്റിട്ടും പിടിവിട്ടില്ല. കുട്ടിയുടെ നിലവിളി കേട്ട് പിതാവ് മഹേന്ദ്ര സിങ് ഠാക്കൂറും കുടുംബാംഗങ്ങളും വടികളുമായി ഓടിയെത്തി. പുലിയും സത്യയും തമ്മില് മല്പ്പിടിത്തം നടത്തുകയായിരുന്നു അപ്പോള്. എല്ലാവരും ബഹളം വച്ചതോടെ പുലി കാട്ടിലേക്ക് ഓടിപ്പോവുകയായിരുന്നു.
സത്യയുടെ വയറിനും കൈകാലുകള്ക്കും പുലിയുടെ നഖം കൊണ്ട് പരിക്ക് പറ്റിയിട്ടുണ്ട്. പിപാരിയ സര്ക്കാര് ആശുപത്രിയില് പ്രവേശിപ്പിച്ച കുട്ടിയുടെ ആരോഗ്യനില തൃപ്തികരമാണെന്ന് ഡോക്ടര്മാര് അറിയിച്ചു. സംഭവമറിഞ്ഞ് വനംവകുപ്പ് ഉദ്യോഗസ്ഥര് സ്ഥലത്തെത്തി. സത്യയ്ക്ക് അടിയന്തര ധനസഹായമായി 1,000 രൂപ അനുവദിച്ചിട്ടുണ്ടെന്നും കൂടുതല് സഹായം നല്കുമെന്നും അധികൃതര് അറിയിച്ചു. വനമേഖലയോട് ചേര്ന്ന ഗ്രാമങ്ങളില് പുള്ളിപ്പുലികളുടെ സാന്നിധ്യം അപൂര്വമല്ലെങ്കിലും, കുട്ടികള്ക്കു നേരേ ഇത്തരം ആക്രമണങ്ങള് അങ്ങനെ ഉണ്ടായിട്ടില്ലെന്ന് വനംവകുപ്പ് ഉദ്യോഗസ്ഥര് പറഞ്ഞു.
Satyam Thakur: Near a farm well in Madhya Pradesh turned into a real-life survival story when a 13-year-old boy fought back against a leopard attack with his bare hands. The incident took place in Kursi Khapa village under Pipariya Forest Beat.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates