ആഘോഷങ്ങള്‍ പൊടിപൊടിക്കാന്‍ കച്ചവടക്കാര്‍ ഉപഭോക്താക്കള്‍ക്കായി നിരവധി സമ്മാനങ്ങള്‍ വാഗ്ദാനം ചെയ്യാറുണ്ട്. ചിലരാകട്ടെ
സമ്മാനങ്ങള്‍ ലഭിക്കാനായി മാത്രം കടകള്‍ തേടിപ്പോകുന്നുവരുമാണ്. ക്രിസ്മസിനോട് അനുബന്ധിച്ച് ഒരു ഷോപ്പിങ് മാളില്‍ ഗിഫ്റ്റുകാര്‍ഡുകള്‍ സൗജന്യമായി ലഭിക്കുന്നുണ്ടെന്നറിഞ്ഞ് ഇത്തവണ എത്തിയത് ആയിരങ്ങളാണ്. സമ്മാനകൂപ്പണ്‍ സ്വന്തമാക്കാനായുള്ള തിക്കിലും നിരവധി ആളുകള്‍ക്കാണ് പരിക്കേറ്റത്.

ഓസ്‌ട്രേലിയയിലെ സിഡ്‌നിയിലെ ഷോപ്പിങ് മാളിലാണ് സംഭവം. ക്രിസ്മസ് ഗിഫ്റ്റ് കാര്‍ഡ് ബലൂണികള്‍ക്കുള്ളിലാണെന്നായിരുന്നു ഷോപ്പിങ് അധികൃതര്‍ അറിയിച്ചത്. ഷോപ്പിങ് മാളിന്റെ മുകളിലത്തെ നിലയില്‍നിന്ന് രണ്ട് ചാക്ക് ബലൂണുകള്‍ താഴെക്ക് ഇട്ടപ്പോള്‍ അത് പിടിച്ചെടുക്കാനുള്ള തിക്കിലും തിരക്കിലും പെട്ടാണ് ആളുകള്‍ക്ക് പരിക്കേറ്റത്. പരിക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചു.

പരിക്കറ്റവരില്‍ കൂടുതല്‍പേര്‍ സ്ത്രീകളാണ്. പരിക്കറ്റവരില്‍ അധികപേര്‍ക്കും കഴുത്തിനും നടുവിനുമാണ് വേദനയെന്ന് ഡോക്ടര്‍മാര്‍ പറഞ്ഞു. സംഭവത്തെക്കുറിച്ച് വിശദമായി അന്വേഷിക്കുകയാണെന്ന് ഓസ്‌ട്രേലിയന്‍ ഷോപ്പിംഗ് ശൃംഖലയുടെ ഉടമയായ സെന്റര്‍ ഗ്രൂപ്പ് അറിയിച്ചു.