കണ്ണൂർ: മൈഗ്രന്റ് ലേബർ ജനമൈത്രി സുരക്ഷാ പദ്ധതിയുടെ ഭാഗമായി അതിഥി തൊഴിലാളികളുടെ മക്കൾക്ക് പഠനോപകരണങ്ങൾ എത്തിച്ച് നൽകി കണ്ണൂർ സിറ്റി ജനമൈത്രി പൊലീസ് മാതൃകയായി. കണ്ണൂർ സിറ്റി പൊലീസ് സഭാഹാളിൽ സംഘടിപ്പിച്ച ചടങ്ങിലാണ് കുട്ടികൾക്കുള്ള പഠനോപകരണ വിതരണ പദ്ധതിയുടെ ഒന്നാം ഘട്ടത്തിന് തുടക്കം കുറിച്ചത്. ദൈവത്താർകണ്ടി ഗവൺമെന്റ് യുപി സ്കൂളിൽ പഠിക്കുന്ന അതിഥി തൊഴിലാളികളുടെ മക്കൾക്കാണ് ആദ്യഘട്ടത്തിൽ സ്കൂൾ ബാഗുകൾ നൽകിയത്.

പദ്ധതിയുടെ ഉദ്ഘാടനം കണ്ണൂർ സിറ്റി പൊലീസ് കമ്മീഷണർ ബി.വി. വിജയ ഭരത് റെഡ്ഡി ഐ.പി.എസ് നിർവ്വഹിച്ചു. അഡീഷണൽ സൂപ്രണ്ട് ഓഫ് പൊലീസ് ഷാജി വർഗ്ഗീസ് ചടങ്ങിൽ അധ്യക്ഷത വഹിച്ചു. ചടങ്ങിൽ വെച്ച് വിദ്യാർത്ഥികൾക്കുള്ള സ്കൂൾ ബാഗുകളുടെ വിതരണം സിറ്റി പൊലീസ് കമ്മീഷണറും അഡീഷണൽ എസ്.പിയും ചേർന്ന് നിർവ്വഹിച്ചു.

Under the Migrant Labour Janamaithri Suraksha Scheme, the Kannur City Janamaithri Police distributed school bags to the children of guest workers, with City Police Commissioner B. V. Vijaya Bharath Reddy IPS inaugurating the initiative's first phase