ബാലതാരമായി എത്തി മലയാളികളുടെ മനം കവർന്ന താരമാണ് ശാലിൻ സോയ. സീരിയലിലും സിനിമയിലും നിറഞ്ഞു നിൽക്കുന്ന ശാലിന് ആരാധകരും ഏറെയാണ്. ഇപ്പോൾ താരത്തിന്റെ പുത്തൻ മേക്കോവറാണ് ആരാധകർ ഏറ്റെടുത്തിരിക്കുന്നത്. 13 കിലോ ഭാരം കുറച്ച് കൂടുതൽ സുന്ദരിയായിരിക്കുകയാണ് ശാലിൻ. ഇൻസ്റ്റ​ഗ്രാമിൽ പങ്കുവെച്ച ചിത്രത്തിലൂടെ താരം തന്നെയാണ് സന്തോഷവാർത്ത പങ്കുവെച്ചത്. 

അവസാനം 68 കിലോയിൽ നിന്ന് 55 ലേക്ക് എന്ന അടിക്കുറിപ്പിലാണ് ചിത്രം പോസ്റ്റ് ചെയ്തിരിക്കുന്നത്. നടി കനിഹ ഉൾപ്പടെ നിരവധി പേരാണ് ശാലിനെ പ്രശംസിച്ചുകൊണ്ട് രം​ഗത്തെത്തിയിരിക്കുന്നത്. കൂടുതൽ സുന്ദരിയായിട്ടുണ്ടെന്നാണ് ആരാധകരുടെ കമന്റുകൾ. 

അതിന് പിന്നാലെ തന്റെ സ്റ്റൈലിഷ് ലുക്കിലുള്ള ചിത്രങ്ങളും താരം ആരാധകർക്കായി പങ്കുവെച്ചിട്ടുണ്ട്. ബ്ലൂ ജീൻസും ഹൈനെക്ക് സ്ലീവ് ലസ് ക്രോപ് ടോപ്പും അണിഞ്ഞ് സുന്ദരിയാണ് ശാലിൻ. ദ ഡോൺ, എൽസമ്മ എന്ന ആൺകുട്ടി, മാണിക്യക്കല്ല് തുടങ്ങിയ ചിത്രങ്ങളിൽ ബാല താരമായിട്ടാണ് ശാലിൻ എത്തിയത്.