ഗായിക അമൃത സുരേഷിന്റെയും മകളുടെയും സോഷ്യൽ മീഡിയയിലൂടെയുള്ള തുറന്നുപറച്ചിൽ സോഷ്യൽ മീഡിയയിൽ വലിയ ചർച്ചയായി മാറിയിരുന്നു. ഇപ്പോഴിതാ അമൃതയുടെ സഹോദരിയും ​ഗായികയുമായ അഭിരാമി സുരേഷും തന്റെ പ്രതികരണം പങ്കുവച്ചിരിക്കുകയാണ്. 'തൻ്റെ സഹോദരി ഒരുപാട് കഷ്ടപ്പെട്ടുവെന്നും സ്വന്തം അമ്മയെ തല്ലുന്ന അച്ഛനെ ആരെങ്കിലും ബഹുമാനിക്കുമോ' എന്നും അഭിരാമി സോഷ്യൽ മീഡിയയിൽ കുറിച്ചു. 'എന്റെ സഹോദരി വേണ്ടത്ര കഷ്‌ടപ്പെട്ടിട്ടുണ്ട്.

18 അല്ലെങ്കിൽ 19-ാം വയസിൽ അവളെ ഏറെക്കുറെ തകർത്ത ഒരു ആഘാതകരമായ വിവാഹത്തിന് ശേഷം, അവൾ തന്റെ ജീവിതം പുനർനിർമ്മിക്കാൻ ശ്രമിച്ചു. അവൾ ഒരു കുറ്റവും ചെയ്‌തിട്ടില്ല എന്നതാണ് സത്യം. വർഷങ്ങളുടെ പീഡയ്ക്ക് ശേഷം സമാധാനം തേടുകയല്ലാതെ അവൾ ഒന്നും ചെയ്‌തില്ല, ആ സമാധാനം ദോഷകരമായ ഒന്നാവുമെന്ന തോന്നൽ വന്നപ്പോൾ അവൾ അവിടെ നിന്ന് ഒരുപാട് വൈകിക്കാതെ പോരുകയും ചെയ്‌തു.

എന്നിട്ടും, അവളെ പിന്തുണയ്ക്കേണ്ട ആളുകൾ തന്നെ അവളെ ഇപ്പോൾ അധിക്ഷേപിക്കുകയും പരിഹസിക്കുകയും പീഡിപ്പിക്കുകയും ചെയ്യുന്നു. അവളുടെ മുൻ പങ്കാളി അവളെ പൊതുജനശ്രദ്ധയിലേക്ക് വലിച്ചിഴച്ച് പരിഹാസത്തിനും ധാർമ്മിക അധിക്ഷേപത്തിനും വിധേയയാക്കിയപ്പോൾ, നിങ്ങൾ എവിടെയായിരുന്നു? നിങ്ങളുടെ വിധിനിർണ്ണയത്താൽ തകർന്നുവീഴുമ്പോൾ അവൾ ഒറ്റയ്ക്ക് കരയുകയും കുടുംബത്തെ ഒരുമിച്ച് നിർത്തുകയും ചെയ്‌തപ്പോൾ നിങ്ങൾ എവിടെയായിരുന്നു?'- അഭിരാമി കുറിച്ചു.

'നിങ്ങൾ അവൻ്റെ നുണകൾ കേൾക്കുന്നതിൽ വളരെ തിരക്കിലായിരുന്നു, അവൻ ക്രൂരതയുടെ തീ കത്തിക്കുന്നതിൽ നിങ്ങൾ വളരെ തിരക്കിലായിരുന്നു. അങ്ങനെ തളർത്താനാവില്ല പാപ്പുമോളെ, കാരണം ഇതിലും അപ്പുറം സ്വന്തം അച്ഛനിൽ നിന്ന് നേരിടേണ്ട വന്നതിൽ നിന്ന് കുരുത്തത്താണ് അവളെ !! ഞങ്ങൾ വിട്ടുകൊടുക്കില്ല. ഇപ്പോൾ എന്നല്ല, ഇനി ഒരിക്കലും ഇല്ല. ഞങ്ങളെ ഭിന്നിപ്പിക്കാൻ ആഗ്രഹിക്കുന്നവരിൽ നിന്ന് ഞങ്ങളുടെ കുടുംബത്തെ സംരക്ഷിക്കുന്നതിനും ശരിയായതിന് വേണ്ടി നിലകൊള്ളുന്നതിനും ഞങ്ങൾ പോരാട്ടം തുടരും.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ഞങ്ങൾക്ക് വേണ്ടി ഞങ്ങൾ അല്ലെങ്കിൽ പിന്നെ ആരു ശബ്‌ദമുയർത്തും?'- എന്നും അഭിരാമി സോഷ്യൽ മീഡിയയിൽ കുറിച്ചു. തന്റെ മകളെ തന്നില്‍ നിന്നും അകറ്റുകയാണെന്നും അച്ഛനെന്ന തന്റെ അവകാശം അവഗണിക്കുകയാണെന്നും ബാല ഈയിടെ ഒരഭിമുഖത്തില്‍ പറഞ്ഞിരുന്നു. ഇതിന് പിന്നാലെയാണ് ബാലയ്‌ക്കെതിരെ മകള്‍ രം​ഗത്തെത്തിയത്.