ഒതളങ്ങ തുരുത്ത് എന്ന വെബ് സീരിസിലെ നത്ത് എന്ന കഥാപാത്രമായി എത്തി മലയാളികളുടെ മനം കവർന്ന താരമാണ് അബിൻ ബിനോ. സൂപ്പർഹിറ്റായി മാറിയ രോമാഞ്ചം എന്ന ചിത്രത്തിലും അബിൻ പ്രധാന വേഷത്തിൽ എത്തിയിരുന്നു. ഇപ്പോൾ മമ്മൂട്ടിക്കൊപ്പം ബസൂക്കയിൽ അഭിനയിക്കുകയാണ് താരം. ഇപ്പോൾ ചിത്രത്തിന്റെ ലൊക്കേഷനിൽ വച്ച് മമ്മൂട്ടിക്കൊപ്പം പിറന്നാൾ ആഘോഷിക്കുന്ന അബിന്റെ വിഡിയോ ആണ് വൈറലാവുന്നത്. 

അബിനെ ചേർത്തുപിടിച്ച് കേക്ക് മുറിക്കുന്ന മമ്മൂട്ടിയെയാണ് വിഡിയോയിൽ കാണുന്നത്. അബിൻ തന്നെയാണ് വിഡിയോ പങ്കുവച്ചത്. ‘ജീവിതത്തിന് യഥാർഥ അര്‍ത്ഥം തോന്നിയ നിമിഷം’ എന്ന അടിക്കുറിപ്പിലാണ് വിഡിയോ പോസ്റ്റ് ചെയ്തത്. ചിത്രത്തിലെ അണിയറ പ്രവർത്തകരോടും താരം നന്ദി പറയുന്നുണ്ട്. 

അബിനൊപ്പം കേക്ക് മുറിച്ച മമ്മൂട്ടി കേക്കെടുത്ത് വായിൽ വച്ചുകൊടുക്കുകയായിരുന്നു. സോഷ്യൽ മീഡിയയിൽ വൈറലാവുകയാണ് അബിന്റെ പിറന്നാൾ ആഘോഷം. നിരവധി പേരാണ് താരത്തിന് പിറന്നാൾ ആശംസകളുമായി രം​ഗത്തെത്തുന്നത്. 

തിരക്കഥാകൃത്ത് കലൂര്‍ ഡെന്നിസിന്റെ മകനായ ഡിനോ ഡെന്നിസ് ആദ്യമായി സംവിധാനം ചെയ്യുന്ന ചിത്രമാണ് ബസൂക്ക. കഴിഞ്ഞ ദിവസമാണ് 45 ദിവസത്തെ ഷൂട്ടിങ് മമ്മൂക്ക പൂർത്തിയാക്കിയത്. ക്രൈം ഡ്രാമ ജോണറിലാണ് ചിത്രം എത്തുന്നത്. 

ഈ വാര്‍ത്ത കൂടി വായിക്കൂ  

'അന്ന് മമ്മൂക്കയുടേയും ജോഷി സാറിന്റേയും കൂടെ കൗരവരിൽ, ഇന്ന് അവരുടെ മക്കളുടെ ചിത്രത്തിൽ': ശാന്തികൃഷ്ണ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ