ഇന്ദ്രൻസിനെ നായകനാക്കി റോജിൻ തോമസ് ഒരുക്കുന്ന ‘​#ഹോം’ സിനിമയുടെ ടീസർ പുറത്തുവിട്ടു. ഇന്ദ്രൻസിന്റെ പിറന്നാളിനോടനുബന്ധിച്ചായിരുന്നു ടീസർ റിലീസ്. റോജിൻ തന്നെയാണ് ചിത്രത്തിന്റെ കഥ ഒരുക്കിയിരിക്കുന്നതും. 

ശ്രീനാഥ് ഭാസി, തണ്ണീർ മത്തൻ ഫെയിം നസ്‌ലിൻ എന്നിവരാണ് ഇന്ദ്രൻസിന്റെ മക്കളായി ചിത്രത്തിൽ എത്തുന്നത്. മഞ്ജു പിള്ള ഭാര്യയായും അഭിനയിക്കുന്നു. ഇന്ദ്രൻസിന്റെ ആദ്യ വാണിജ്യ ചിത്രം എന്ന വിശേഷണത്തോടെ എത്തുന്ന സിനിമ വിജയ് ബാബുവാണ് നിർമിക്കുന്നത്. 

വിജയ് ബാബു, ജോണി ആന്റണി, മണിയൻപിള്ള രാജു, ശ്രീകാന്ത് മുരളി, ദീപ തോമസ്, കെപിഎസിലളിത, അനൂപ് മേനോൻ, പ്രിയങ്ക നായർ എന്നിവരാണ് മറ്റ് അഭിനേതാക്കൾ. സംഗീതം രാഹുൽ സുബ്രഹ്മണ്യൻ. ഛായാഗ്രഹണം നീൽ.