ഹിന്ദി സിനിമ- സീരിയൽ താരം മോഹിത് റൈന വിവാഹിതനായി. അതിഥി ശര്‍മയാണ് വധു. വിവാഹഫോട്ടോ പങ്കുവച്ച് മോഹിത് തന്നെയാണ് സന്തോഷവാർത്ത ആരാധകരെ അറിയിച്ചത്. ദീർഘനാളത്തെ പ്രണയത്തിന് ശേഷമാണ് ഇരുവരും വിവാഹിതരായത്. എല്ലാവരുടെയും സ്‌നേഹവും പ്രാര്‍ഥനകളും തനിക്കുണ്ടാകണമെന്ന്‌ മോഹിത് അറിയിച്ചു. 

ദേവോം കി ദേവ് മഹാദേവ് എന്ന ടെലിവിഷന്‍ സീരിയലിലെ പരമശിവന്റെ വേഷം ചെയ്താണ് മോഹിത് ശ്രദ്ധേയനാവുന്നത്. കേരളത്തിലും താരത്തിന് ആരാധകർ ഏറെയാണ്. മഹാദേവന് ആശംസകൾ നേർന്നുകൊണ്ട് നിരവധി ആരാധകരാണ് കമന്റ് ചെയ്യുന്നത്. ഡോണ്‍ മുത്തു സ്വാമി എന്ന ചിത്രത്തിലൂടെ സിനിമയില്‍ അരങ്ങേറ്റം കുറിച്ചു. ഉറി-ദ സര്‍ജിക്കല്‍ സ്ര്‌ടൈക്ക്, മിസിസ് സീരിയല്‍ കില്ലര്‍, ഷിദാത് എന്നിവയാണ് മറ്റു ചിത്രങ്ങള്‍.