കൊൽക്കത്ത: അന്താരാഷ്ട്ര കൊൽക്കത്ത പുസ്തകമേളയുടെ വേദിയിൽ മോഷണം നടത്തിയെന്നാരോപിച്ച് നടി രൂപാ ദത്തയെ പോലീസ് ഞായറാഴ്ച അറസ്റ്റ് ചെയ്തു

ചവറ്റുകുട്ടയിലേക്ക് രൂപ ദത്ത ഒരു പഴ്സ് എറിയുന്നത് കണ്ടാണ് ബിദാൻ ന​ഗർ പൊലീസ് ഇവരെ ചോദ്യം ചെയ്തത്. സംശയാസ്പദ മറുപടികളെ തുടർന്ന് നടത്തിയ പരിശോധനയിൽ ഇവരിൽ നിന്ന് 75,000 രൂപയും നിരവധി പഴ്സുകളും കണ്ടെത്തി.

നടിയെ അറസ്റ്റ് ചെയ്ത പൊലീസ് കുറ്റകൃത്യത്തിൽ കൂടുതൽ പേർക്ക് പങ്കുണ്ടോ എന്ന് അന്വേഷണം ആരംഭിച്ചിട്ടുണ്ട്. സംവിധായകൻ അനുരാഗ് കശ്യപിനെതിരെ വ്യാജ പീഡന ആരോപണം ഉന്നയിച്ച്​ നേരത്തെ രൂപ ദത്ത വാർത്തകളിൽ നിറഞ്ഞിരുന്നു.