വയനാട്ടില്‍ ഉണ്ടായ ദുരന്തത്തില്‍ നിന്ന് താനും കുടുംബവും സുരക്ഷിതരായിരിക്കുന്നുവെന്ന് സീരിയല്‍ താരം മോനിഷ. രണ്ടുദിവസം മുന്‍പ് വയനാടിന്റെ മനോഹാരിത ഒപ്പിയെടുത്ത വിഡിയോ പങ്കുവച്ചുകൊണ്ടായിരുന്നു താന്‍ സുരക്ഷിതയാണെന്നുള്ള വിവരം മോനിഷ സാമൂഹിക മാധ്യമത്തില്‍ പങ്കുവെച്ചത്.

'ഞാന്‍ ഈ വിഡിയോ എടുത്തത് രണ്ട് ദിവസം മുമ്പാണ്. ഇന്ന് വയനാടിന്റെ മുഴുവന്‍ സാഹചര്യവും മാറി. എന്റെ കുടുംബവും ഞാനും ഇവിടെ സുരക്ഷിതരാണ്.' വിഡിയോയ്‌ക്കൊപ്പം മോനിഷ കുറിച്ചു. വീഡിയോയില്‍ വയനാട്ടിലെ മഴയെക്കുറിച്ചും തണുപ്പിനെക്കുറിച്ചുമൊക്കെ പറയുന്നുണ്ട്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

തമിഴ്‌നാട്ടില്‍ മഴ പെയ്യുന്നുണ്ടോ ഇല്ലയോ എന്നെനിക്കറിയില്ല, പക്ഷേ എന്റെ നാടായ വയനാട്ടില്‍ രാവിലെ മുതല്‍ കനത്ത മഴയാണ്. നല്ല തണുപ്പാണ്. രാവിലെ മുതല്‍ നിര്‍ത്താതെ മഴ പെയ്യുകയാണ്. ഈ കാഴ്ച കാണാന്‍ നല്ല ഭംഗിയുണ്ട്.'' എന്നാണ് മോനിഷ വീഡിയോയില്‍ പറയുന്നത്. എന്നാല്‍ ദുരന്ത സമയത്ത് ഇങ്ങനെയുള്ള വീഡിയോ പങ്കുവെച്ചതില്‍ വിമര്‍ശിക്കുന്നവരും ഉണ്ട്.

മഞ്ഞുരുകും കാലം എന്ന പരമ്പരയിലൂടെ സുപരിചതയാണ് മോനിഷ. സുല്‍ത്താന്‍ ബത്തേരി സ്വദേശിയാണ്. ചാക്കോയും മേരിയും എന്ന പരമ്പരയിലും മോനിഷ അഭിനയിച്ചിട്ടുണ്ട്. ഇപ്പോള്‍ തമിഴിലാണ് കൂടുതലും അഭിനയിക്കുന്നത്.