വസ്ത്രധാരണത്തിന്റെ പേരിൽ സോഷ്യൽമീഡിയയിൽ വിമർശനം ഏറ്റുവാങ്ങുകയാണ് നടി രശ്മിക മന്ദാന. മുംബൈ എയർപ്പോർട്ടിൽ എത്തിയ നടിയുടെ വേഷമാണ് വിമർശനങ്ങൾക്ക് ഇടയാക്കിയത്. സ്വെറ്റ്ഷർട്ടും ഡെനിം ഷോർട്സുമാണ് നടി ധരിച്ചിരുന്നത്. ഷോർട്ട്സിന്റെ ഇറക്കം കുറഞ്ഞെന്നാണ് വിമർശകരുടെ ആരോപണം.

പ്രശസ്തി കൂടുമ്പോൾ തുണിയുടെ നീളം കുറയുമോ എന്ന പതിവ് ചോദ്യവുമായാണ് വിമർശനങ്ങൾ ഉയരുന്നത്. പാന്റ്സ് ധരിക്കാൻ മറന്നോ എന്നാണ് മറ്റൊരുകൂട്ടരുടെ പരിഹാസം. എന്ത് ധരിക്കണം എന്നത് അവരുടെ വസ്ത്രസ്വാതന്ത്ര്യമാണ് എന്നു പറഞ്ഞ് താരത്തെ പിന്തുണച്ചെത്തുന്നവരും ഉണ്ട്. 

അല്ലു അർജുൻ ചിത്രം പുഷ്പയാണ് താരത്തിന്റെ റിലീസ് ചെയ്ത ഏറ്റവും പുതിയ ചിത്രം. അല്ലു അർജുൻ അവതരിപ്പിക്കുന്ന പുഷ്പയുടെ കാമുകി ശ്രീവല്ലിയുടെ വേഷമാണ് രശ്മിക അവതരിപ്പിച്ചത്.