ടെലിവിഷനില്‍ നിന്നും സിനിമയിലേക്ക് ചേക്കേറിയ നടിയാണ് അഞ്ജലി ആനന്ദ്. ഈയ്യടുത്താണ് അഞ്ജലി നായികയായ ബോളിവുഡ് ചിത്രം റിലീസ് ചെയ്തത്. വെബ് സീരീസുകളിലൂടേയും അഞ്ജലി കയ്യടി നേടിയിട്ടുണ്ട്. അഭിനയത്തിലൂടെ മാത്രമല്ല, ഡാന്‍സിലൂടേയും അഞ്ജലി ഒരുപാട് ആരാധകരെ നേടിയിട്ടുണ്ട്.

തന്നെ ബോഡി ഷെയ്മിങ് ചെയ്ത പാപ്പരാസിയ്ക്ക് അഞ്ജലി നല്‍കിയ മറുപടി സോഷ്യല്‍ മീഡിയയില്‍ ചര്‍ച്ചയായി മാറിയിരിക്കുകയാണ്. ഒരു പരിപാടിയില്‍ പങ്കെടുത്ത് മടങ്ങുകയായിരുന്നു അഞ്ജലി ആനന്ദ്. നടന്‍ ശിവ് താക്കറെയും അഞ്ജലിയ്‌ക്കൊപ്പം ഉണ്ടായിരുന്നു. കാറിലേക്ക് കയറുമ്പോള്‍ ശിവയോട് മിഡില്‍ സീറ്റില്‍ ഇരുന്നോളാന്‍ പറയുകയായിരുന്നു അഞ്ജലി.

ഇതിനിടെ പാപ്പരാസികളിലൊരാള്‍ നടിയെ അധിക്ഷേപിക്കുന്ന കമന്റ് പറയുന്നകയായിരുന്നു. 'ശിവ് ഭായിയെ ഞെരിക്കരുത്' എന്നായിരുന്നു പാപ്പരാസി പറഞ്ഞത്. ഉടനെ തന്നെ അഞ്ജലി മറുപടിയും നല്‍കി. ''ബോഡി ഷെയ്മിങ് വീട്ടില്‍ പോയി, നിങ്ങളുടെ ഭാര്യയോട് പറ'' എന്നായിരുന്നു അഞ്ജലിയുടെ മറുപടി. പിന്നാലെ ഡ്രൈവറോട് വണ്ടിയെടുക്കാന്‍ പറയുകയായിരുന്നു അഞ്ജലി.

വിഡിയോ സോഷ്യല്‍ മീഡിയയില്‍ വൈറലായി മാറിയിരിക്കുകയാണ്. താരത്തെ അനുകൂലിച്ചും എതിര്‍ത്തുമൊക്കെ ആളുകളെത്തുന്നുണ്ട്. സ്വകാര്യതയിലേക്കുള്ള പാപ്പരാസിയുടെ കടന്നു കയറ്റവും, ബോഡി ഷെയ്മിങ് പരാമര്‍ശവും കടുത്ത വിമര്‍ശനം നേരിടുണ്ട്. നേരത്തെയും ബോഡി ഷെയ്മിങിനെതിരെ തുറന്നടിച്ചിട്ടുള്ള താരമാണ് അഞജ്‌ലി ആനന്ദ്.