ഷെയിൻ നി​ഗം, നീരജ് മാധവ്, ആന്റണി വർ​ഗീസ് എന്നിവർ പ്രധാന വേഷത്തിലെത്തിയ ആർഡിഎക്സ് ഓണം റിലീസായാണ് തിയറ്ററിൽ എത്തിയത്. ആദ്യ ഷോ മുതൽ മികച്ച അഭിപ്രായമാണ് ചിത്രത്തേക്കുറിച്ച് പുറത്തുവരുന്നത്. ഇപ്പോൾ ചിത്രത്തെ പ്രശംസിച്ചുകൊണ്ട് സംവിധായകൻ ലിജോ ജോസ് പെല്ലിശ്ശേരി എത്തിയിരിക്കുകയാണ്. 

ലിജോ സ്റ്റൈലിൽ ആർഡിഎക്സ് എന്നാണ് സോഷ്യൽ മീഡിയയിൽ കുറിച്ചത്. പിന്നാലെ കമന്റുമായി ആന്റണി വർ​ഗീസ് എത്തി.  'ആശാനെ..', എന്നാണ് താരം കുറിച്ചത്. പോസ്റ്റിന് താഴെ ആർഡിഎക്സിനെ പ്രശംസിച്ചുകൊണ്ട് നിരവധി പേരാണ് കമന്റ് ചെയ്യുന്നത്. ആശാനേ ചെക്കന്മാർ നല്ല പൊട്ടിക്കൽ ആണ് എന്നായിരുന്നു ഒരാളുടെ കമന്റ്. അടിതടയുടെ ആദ്യ പാഠങ്ങൾ പഠിപ്പിച്ച ഗുരുവിന്റെ അനുഗ്രഹം എന്നായിരുന്നു മറ്റൊരാളുടെ കമന്റ്. 

ഇന്നലെയാണ് ആർഡിഎക്സ് റിലീസിന് എത്തിയത്. ദുൽഖർ സൽമാന്റെ കിം​ഗ് ഓഫ് കൊത്തയോടും നിവിൻ പോളിയുടെ രാമചന്ദ്ര ബോസ് ആൻഡ് കോയോടുമായിരുന്നു ആർഡിഎക്സിന്റെ മത്സരം. വലിയ പ്രമോഷനോ ഹൈപ്പോ ഇല്ലാതെ എത്തിയ ചിത്രം തിയറ്ററിനെ അമ്പരപ്പിച്ചിരിക്കുകയാണ്. ആദ്യ റിപ്പോർട്ടുകൾ മികച്ചതായതോടെ ഓണം ആർഡിഎക്സ് കീഴടക്കി എന്നാണ് പ്രേക്ഷകർ പറയുന്നത്. നഹാസ് ഹിദായത്ത് സംവിധാനം ചെയ്തിരിക്കുന്ന ചിത്രം നിർമിച്ചിരിക്കുന്നത് സോഫിയ പോൾ ആണ്. 

ഈ വാര്‍ത്ത കൂടി വായിക്കൂ

ഗുണ്ടാ തലവനായി ഫഹദ് ഫാസിൽ, കറുപ്പിൽ മാസായി 'ആവേശം' ലുക്ക്; ലൊക്കേഷൻ ചിത്രം വൈറൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ