മമ്മൂട്ടിയിലെ കാമറാമാനെ പലവട്ടം നമ്മൾ കണ്ടിട്ടുണ്ട്. നിരവധി താരങ്ങളെയാണ് മമ്മൂട്ടി തന്റെ കാമറയിൽ പകർത്തിയിട്ടുള്ളത്. ഇപ്പോൾ വാപ്പച്ചിയെടുത്ത തന്റെ ചിത്രങ്ങൾ സോഷ്യൽ മീഡിയയിൽ പങ്കുവച്ചിരിക്കുകയാണ് ദുൽഖർ സൽമാൻ. രസകരമായ അടിക്കുറിപ്പിനൊപ്പമാണ് ചിത്രങ്ങൾ പോസ്റ്റ് ചെയ്തിരിക്കുന്നത്. 

'വെളിച്ചത്തിലേക്ക് മാറിനിൽക്കൂ, കാമറയിലേക്ക് നോക്ക്, കള്ളച്ചിരി ചിരിക്കരുത് എന്ന് സീനിയർ നിങ്ങളോട് പറയുമ്പോൾ. എന്റെ മുട്ട് വിറയ്ക്കുകയാണ് കാരണം അദ്ദേഹമാണ് കാമറയ്ക്ക് പിന്നിൽ'- മമ്മൂട്ടിയെ മെൻഷൻ ചെയ്തുകൊണ്ട് ദുൽഖർ കുറിച്ചു.

മകനെ അതിമനോഹരമായാണ് മമ്മൂട്ടി കാമറയിൽ പകർത്തിയിരിക്കുന്നത്. നിരവധി ആരാധകരും താരങ്ങളുമാണ് പ്രശംസയുമായി എത്തിയിരിക്കുന്നത്. ആർട്ടും ആർട്ടിസ്റ്റും, പല രീതിയിൽ എന്നാണ് അർച്ചന കവി കുറിച്ചത്. വാപ്പച്ചിയെടുത്ത ഫോട്ടോയിൽ കൂടുതൽ സുന്ദരനാണെന്നും കമന്റുകളുണ്ട്. മമ്മൂട്ടിയുടേയും ദുൽഖറിന്റേയും ആരാധകർ ആഘോഷമാക്കുകയാണ് ചിത്രങ്ങൾ. 

ഈ വാര്‍ത്ത കൂടി വായിക്കാം 

ഊള ബാബുവിനെ പോലെയാകരുത്; പരാതി നൽകിയ നടിക്ക് പിന്തുണയുമായി റിമ കല്ലിങ്കൽ, സിനിമാ രം​ഗത്തുനിന്ന് ആദ്യം

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ