നടി സായ് പല്ലവിയും തമിഴ് സംവിധായകൻ രാജ്കുമാർ പെരിയസാമിയും വിവാഹിതരായതായി വ്യാജ വാർത്ത. പൂമാലയിട്ട് നിൽക്കുന്ന സായ് പല്ലവിയുടേയും രാജ്കുമാറിന്റേയും ചിത്രങ്ങൾക്കൊപ്പമാണ് വാർത്ത പ്രചരിക്കുന്നത്. 

സോഷ്യൽ മീഡിയയിലാണ് വിവാഹം സംബന്ധിച്ച് പോസ്റ്റുകൾ വന്നത്. ഇരുവരും രഹസ്യ വിവാഹം ചെയ്തു എന്നായിരുന്നു വാർത്തകൾ. പ്രണയത്തിൽ നിറം പ്രശ്നമല്ലെന്ന് സായ് പല്ലവി തെളിയിച്ചെന്ന് പറഞ്ഞുകൊണ്ടായിരുന്നു പോസ്റ്റ്. എന്നാൽ ശിവ കാര്‍ത്തികേയന്റെ 21ാമത്തെ സിനിമയുടെ പൂജ ചടങ്ങില്‍ നിന്നുള്ള ചിത്രങ്ങളാണിത്. രാജ്കുമാര്‍ പെരിയസാമിയാണ് ചിത്രം സംവിധാനം ചെയ്യുന്നത്. ചിത്രത്തിൻ‌റെ പൂജയുടെ ഭാ​ഗമായിട്ടാണ് ഇരുവരും പൂമാല അണിഞ്ഞത്. 

സായ് പല്ലവിക്ക് പിറന്നാൾ ആശംസിച്ചുകൊണ്ട് രാജ്കുമാർ തന്നെയാണ് ചിത്രം സോഷ്യൽ മീ‍യയിൽ പങ്കുവച്ചത്. രാജ്കുമാർ കയ്യിൽ ക്ലാപ് ബോർഡ് പിടിച്ചു നിൽക്കുന്നതായിരുന്നു ചിത്രം. എന്നാൽ വിവാഹചിത്രമാക്കിയപ്പോൾ ക്ലാപ് ബോർഡ് ഒഴിവാക്കുകയായിരുന്നു. അതിനിടെ സായി പല്ലവി ഫാൻഡം എന്ന പേജിൽ വന്ന വ്യാജ പോസ്റ്റ് വൈറലാവുകയാണ്. നിരവധി പേരാണ് നടിക്ക് ആശംസകൾ അറിയിച്ചുകൊണ്ട് കമന്റ് ചെയ്യുന്നത്.

ഈ വാര്‍ത്ത കൂടി വായിക്കൂ 

ഇത് നമ്മുടെ പാർവതി തന്നെയാണോ? അമ്പരപ്പിച്ച് പുത്തൻ മേക്കോവർ; ചിത്രങ്ങൾ വൈറൽ

മകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ