സി ഐ രാജന്‍ സക്കറിയയായി മമ്മൂട്ടി എത്തിയ 'കസബ'യുടെ  തമിഴ് മൊഴിമാറ്റ പതിപ്പ് തിയറ്റര്‍ റിലീസിന് ഒരുങ്ങുന്നു. 'സര്‍ക്കിള്‍' എന്ന പേരിലാണ് ചിത്രത്തിന്‍റെ തമിഴ് ഡബ്ബിംഗ് പതിപ്പ് തിയറ്ററുകളിൽ എത്തുന്നത്.  സെപ്റ്റംബര്‍ 3 ആണ് റിലീസ് തിയതി. 

നിഥിന്‍ രണ്‍ജി പണിക്കരുടെ സംവിധാന അരങ്ങേറ്റ ചിത്രമായിരുന്നു കസബ. നേഹ സക്സേന, ജഗദീഷ്, സംപത്ത്, വരലക്ഷ്‍മി ശരത്കുമാര്‍, സിദ്ദിഖ്, അലന്‍സിയര്‍ എന്നിവരാണ് ചിത്രത്തിലെ മറ്റു അഭിനേതാക്കൾ. മലയാളത്തിൽ 2016ൽ പുറത്തിറങ്ങിയ ചിത്രം ഏറെ ശ്രദ്ധനേടിയിരുന്നു, 

എ ടി കെ പിക്ചേഴ്സ് ആണ് ചിത്രത്തിന്‍റെ മൊണിമാറ്റ പതിപ്പ് അവതരിപ്പിക്കുന്നത്. തിയറ്ററുകള്‍ തുറന്നുപ്രവര്‍ത്തിക്കാൻ തമിഴ്നാട് സർക്കാർ അനുമതി നൽകിയതിന് പിന്നാലെയാണ് ചിത്രം റിലീസ് ചെയ്യാനുള്ള തീരുമാനം.