കൊച്ചിയിൽ താമസിക്കാൻ ഫ്ലാറ്റ് കിട്ടുന്നില്ലെന്ന പരാതിയുമായി സംവിധായിക റത്തീന. മുസ്ലിം സ്ത്രീയാണെന്നതും ഏഴ് വയസ്സിൽ താഴെയുള്ള കുട്ടികൾ ഒപ്പമുണ്ടെന്നതും ഭർത്താവ് കൂടെയില്ലെന്നതുമൊക്കെ കൊച്ചിയിൽ വാടകയ്ക്കു ഫ്ലാറ്റ് അന്വേഷിച്ചു നടക്കുമ്പോൾ പ്രശ്നമാകുമെന്നാണ് റത്തീനയുടെ കുറിപ്പ്. മമ്മൂട്ടിയും പാ‍ർവ്വതി തിരുവോത്തും ഒന്നിച്ചഭിനയിക്കുന്ന 'പുഴു' എന്ന ചിത്രത്തിന്റെ സംവിധായികയാണ് റത്തീന. 

റത്തീനയുടെ ഫേസ്ബുക്ക് പോസ്റ്റ്

"റത്തീന ന്ന് പറയുമ്പോ??" 
"പറയുമ്പോ? " 
മുസ്ലിം അല്ലല്ലോ ല്ലേ?? "
"യെസ് ആണ്...'
" ഓ, അപ്പൊ  ബുദ്ധിമുട്ടായിരിക്കും  മാഡം!"
കൊച്ചിയിൽ വാടകയ്ക്കു ഫ്ലാറ്റ് അന്വേഷിച്ചു നടപ്പാണ്. മുൻപും ഇത് അനുഭവിച്ചിട്ടുള്ളതാണ്.. ഒട്ടും പുതുമ തോന്നിയില്ല.  ഇത്തവണ പുതുമ തോന്നിയത് 
ഏഴു വയസ്സിനു താഴെ പ്രായമുള്ള കുഞ്ഞുങ്ങൾ പാടില്ല  എന്ന് പറഞ്ഞപ്പോഴാ.. അവര് വീടിന്റെ കഴുക്കോൽ ഇളക്കുമാരിക്കും! 
പിന്നെ സ്ഥിരം ഫ്രഷ് ഐറ്റംസ്
ഭർത്താവ് കൂടെ ഇല്ലേൽ നഹി നഹി
സിനിമായോ, നോ നെവർ
അപ്പോപിന്നെ മേൽ പറഞ്ഞ 
എല്ലാം കൃത്യമായി തികഞ്ഞ  എനിക്കോ?! .. 
"ബാ.. പോവാം ...." 
---
Not All Men ന്ന് പറയുന്ന പോലെ  Not all landlords എന്ന് പറഞ്ഞു  നമ്മക്ക് ആശ്വസിക്കാം..