ഒടിടിയിൽ പുത്തൻ റിലീസുകൾക്കായി കാത്തിരിക്കുന്നവരാണോ നിങ്ങൾ. ഇതാ വിവിധ ഒടിടി പ്ലാറ്റ്ഫോമുകളിലായി ഇപ്പോൾ കാണാവുന്ന ഏറ്റവും പുതിയ റിലീസുകൾ പരിചയപ്പെടാം.

മലബാറിന്‍റെ പശ്ചാത്തലത്തിൽ പ്രണയകഥ അവതരിപ്പിച്ച അഭിലാഷം ഒടിടിയിൽ എത്തുന്നു. ഷംസു സെയ്ബ സംവിധാനം ചെയ്ത ചിത്രം സെക്കന്റ് ഷോ പ്രൊഡക്ഷൻസിന്റെ ബാനറിൽ ആൻ സരിഗ ആന്റണി, ശങ്കർ ദാസ് എന്നിവർ ചേർന്നാണ് നിർമിച്ചത്. സൈജു കുറുപ്പും തൻവി റാമും കേന്ദ്രകഥാപാത്രങ്ങളെ അവതരിപ്പിച്ച ചിത്രം മെയ് 23 മുതൽ ആമസോൺ പ്രൈം വിഡിയോയിൽ സ്ട്രീം ചെയ്യും.

ഭാവന നായികയായെത്തിയ ചിത്രമായിരുന്നു ഹ‌ണ്ട്. ഷാജി കൈലാസ് സംവിധാനം ചെയ്ത ഹൊറർ ചിത്രം മെയ് 23 ന് പ്രേക്ഷകരിലേക്കെത്തും. മനോരമ മാക്സിലാണ് ചിത്രം സ്ട്രീം ചെയ്യുക.

ആന്റണി മാക്കി പ്രധാന വേഷത്തില്‍ എത്തിയ മാര്‍വല്‍ ചിത്രമായിരുന്നു ക്യാപ്റ്റൻ അമേരിക്ക: ബ്രേവ് ന്യൂ വേൾഡ്. ഫെബ്രുവരി 14 ന് ലോകമെമ്പാടുമുള്ള തിയറ്ററുകളിൽ റിലീസ് ചെയ്ത ചിത്രം ക്യാപ്റ്റൻ അമേരിക്ക ചിത്രങ്ങളില്‍ നാലാമത്തെ ഭാഗമായിരുന്നു. വലിയ സ്‌ക്രീനുകളിൽ മൂന്ന് മാസത്തിലേറെയായി പ്രദർശനം നടത്തിയ ശേഷം മാര്‍വല്‍ സിനിമാറ്റിക് യൂണിവേഴ്സില്‍ പെടുന്ന ഈ സൂപ്പർ ഹീറോ ചിത്രം ഒടിടിയില്‍ എത്തുകയാണ്. ഔദ്യോഗിക വിവരം അനുസരിച്ച് ചിത്രം മെയ് 28 മുതൽ ജിയോ ഹോട്ട്‌സ്റ്റാറിൽ സ്ട്രീമിങ് തുടങ്ങും.

മാറ്റ് പാമർ സംവിധാനം ചെയ്ത ചിത്രവും ഒടിടി റിലീസിനൊരുങ്ങുകയാണ്. മെയ് 23 ന് നെറ്റ്ഫ്ലിക്സിലൂടെ ചിത്രം സ്ട്രീം ചെയ്യും. ഇന്ത്യ ഫൗളർ, അരിയാന ​ഗ്രീൻബ്ലാറ്റ് എന്നിവരാണ് ചിത്രത്തിൽ പ്രധാന വേഷങ്ങളിലെത്തുന്നത്.

നീൽ ബർഗർ സംവിധാനം ചെയ്ത ഒരു സ്പൈ ത്രില്ലർ ചിത്രമാണ് ഇൻഹെറിറ്റൻസ്. പൂർണമായും ഐഫോണിൽ ചിത്രീകരിച്ചിരിക്കുന്ന ചിത്രം കൂടിയാണിത്. ലയൺസ്ഗേറ്റ് പ്ലേ എന്ന ഒടിടി പ്ലാറ്റ്ഫോമിലൂടെ മെയ് 23 മുതൽ ചിത്രം സ്ട്രീമിങ് തുടങ്ങും.