ചെന്നൈ: മണിരത്‌നം സംവിധാനം ചെയ്ത പൊന്നിയിന്‍ സെല്‍വന്‍ നാന്നൂറ് കോടി ക്ലബിലേക്ക്. വിക്രം, ഐശ്വര്യ റായ് ബച്ചന്‍, ജയം രവി, കാര്‍ത്തി, തൃഷ എന്നിവരെ കേന്ദ്ര കഥാപാത്രങ്ങളാക്കി ഒരുക്കിയ ഈ ചിത്രത്തിന് 400 കോടി ക്ലബ്ബില്‍ കയറാന്‍ വേണ്ടത് 21 കോടി രൂപ മാത്രം.
പൊന്നിയിന്‍ സെല്‍വന്‍ ലോകമെമ്പാടും ഇതുവരെ 379.13 കോടി രൂപ നേടിയതായി ചിത്രത്തിന്റെ അണിയറ പ്രവര്‍ത്തകര്‍ പറഞ്ഞു. ചിത്രം ആദ്യ ആഴ്ചയില്‍ 308.59 കോടി നേടിയിരന്നു, രണ്ടാമത്തെ ആഴ്ചയില്‍ മൂന്ന് ദിവസങ്ങളിലായി ചിത്രം യഥാക്രമം 15.47 കോടി, 26.72 കോടി, 28.5 കോടി ഉള്‍പ്പടെ ആകെ 379.13 കോടി നേടിയതായി അണിയറ പ്രവര്‍ത്തകര്‍ പറഞ്ഞു
സെപ്റ്റംബര്‍ 30ന് റിലീസ് ചെയ്ത പൊന്നിയിന്‍ സെല്‍വന്‍ ഐ മാക്‌സ് ഫോര്‍മാറ്റിലാണ് പുറത്തിറക്കിയത്. തമിഴ്‌നാട്ടില്‍ ഏറ്റവും കുടുതല്‍ വിറ്റഴിക്കപ്പെട്ട നോവലുകളിലൊന്നായ കല്‍ക്കിയുടെ പൊന്നിയിന്‍ സെല്‍വനെ അടിസ്ഥാനമാക്കിയാണ് മണിരത്‌നം ചിത്രം അണിയിച്ചൊരുക്കിയത്. കഥാപാത്രങ്ങളുടെ ആധിക്യം കൊണ്ടും കഥയുടെ സങ്കീര്‍ണത കൊണ്ടും ലോകപ്രശസ്ത സീരിസായ ഗെയിം ഓഫ് ത്രോണ്‍സിനോടാണ് പലരും ചിത്രത്തെ താരതമ്യപ്പെടുത്തുന്നത്.
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates