സിനിമാ പ്രദർശനം നടക്കുന്നതിനിടെ സ്ക്രീനിന് മുന്നിൽ പടക്കം പൊട്ടിച്ച് പ്രഭാസ് ആരാധകരുടെ അമിതാഹ്ലാദപ്രകടനം. ആവേശപ്രകടനത്തിൽ തിയറ്ററിന് തീപ്പിടിച്ചു. പ്രഭാസ് നായകനായ 'ബില്ല' എന്ന ചിത്രത്തിന്റെ പ്രദർശനത്തിനിടെയാണ് സംഭവം. ആന്ധ്രയിലെ ​കിഴക്കൻ ഗോദാവരി ജില്ലയിലെ താഡപള്ളിഗുഡെത്തെ തിയറ്ററിലാണ് തീപിടിച്ചത്. 

2009-ൽ റിലീസ് ചെയ്ത ചിത്രമാണ് പ്രഭാസും അനുഷ്ക ഷെട്ടിയും ഒന്നിച്ച ബില്ല. പ്രഭാസിന്റെ ജന്മദിനത്തോടനുബന്ധിച്ച് ആന്ധ്രാപ്രദേശിലെയും തെലങ്കാനയിലെയും നിരവധി തിയേറ്ററുകളിൽ ചിത്രം വീണ്ടും പ്രദർശനത്തിനെത്തി. സിനിമയിലെ ഒരു മാസ് രം​ഗത്തിനിടെയാണ് ആവേശം മൂത്ത് ആരാധകർ സ്ക്രീനിന് മുന്നിലിട്ട് പടക്കം പൊട്ടിച്ചത്. തീ സീറ്റുകളിലേക്ക് അതിവേ​ഗം പടർന്നുപിടിച്ചു. തിയറ്ററിലുണ്ടായിരുന്നവർ പെട്ടെന്ന് ഓടി രക്ഷപെട്ടതുകൊണ്ട് ആർക്കും പരിക്കില്ല. തിയറ്റർ ജീവനക്കാരും സിനിമ കാണാൻ എത്തിയ ചിലരും ഒന്നിച്ചാണ് തീയണച്ചത്. 
‌
‌സംഭവത്തിന്റെ വിഡിയോ സംവിധായകൻ രാം ​ഗോപാൽ വർമ ട്വീറ്റ് ചെയ്തു. ഇത് ദീപാവലി ആഘോഷമല്ലെന്നും പ്രഭാസ് ആരാധകരുടെ ഭ്രാന്താണെന്നുമാണ് അദ്ദേഹം വിഡിയോക്കൊപ്പം എഴുതിയത്.

ഈ വാര്‍ത്ത കൂടി വായിക്കൂ 

ഹിന്ദുവിരുദ്ധ പരാമര്‍ശം നടത്തിയെന്ന് പരാതി; നടന്‍ ചേതന്‍ കുമാറിനെതിരെ കേസെടുത്തു

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ