രൺബീർ കപൂർ നായകനാക്കി എത്തിയ അനിമൽ ​ഗംഭീര അഭിപ്രായമാണ് നേടുന്നത്. ചിത്രത്തിലൂടെ ബോളിവുഡിലെ സൂപ്പർസ്റ്റാർ പദവി രൺബീർ ഉറപ്പിച്ചതായാണ് റിപ്പോർട്ടുകൾ. പല റെക്കോർഡുകളും തകർത്തുകൊണ്ടാണ് ചിത്രത്തിന്റെ കുതിപ്പ്. ഇപ്പോൾ ചിത്രത്തിന്റെ ആദ്യ ദിവസത്തെ കളക്ഷൻ റിപ്പോർട്ട് പുറത്തുവന്നിരിക്കുകയാണ്. 

116 കോടിയാണ് ചിത്രത്തിന്റെ ആ​ഗോള കളക്ഷൻ. രൺബീറിന്റെ കരിയറിലെ തന്നെ ഏറ്റവും മികച്ച ഓപ്പണിങ് ആണ് സിനിമയ്ക്കു ലഭിച്ചിരിക്കുന്നത്. ഇന്ത്യയിൽ നിന്നു മാത്രം ചിത്രം വാരിയത് 61 കോടി വാരിയതായാണ് റിപ്പോർട്ട്.  ഈ വർഷം റിലീസ് ചെയ്യുന്ന ​ഹിന്ദി ചിത്രങ്ങളിൽ ഏറ്റവും മികച്ച ഓപ്പണിങ് ലഭിച്ച മൂന്നാമത്തെ ചിത്രമായിരിക്കുകയാണ് അനിമൽ. 

അവധി ദിനമല്ലായിരുന്നിട്ടു കൂടി ഒരു എ റേറ്റഡ് സിനിമയ്ക്ക് ലഭിക്കുന്ന വരവേൽപ് അമ്പരപ്പിക്കുന്നതാണെന്ന് തരണ്‍ ആദർശ് ട്വീറ്റ് ചെയ്തു. ബോളിവുഡിൽ ഈ അടുത്തു കണ്ട ഏറ്റവും വയലൻസ് നിറഞ്ഞ സിനിമകളിലൊന്നായാണ് ചിത്രത്തെ വിലയിരുത്തുന്നത്. ‌അര്‍ജുന്‍ റെഡ്ഡിയിലൂടെ ശ്രദ്ധേയനായ സന്ദീപ് റെഡ്ഡി വംഗ സംവിധാനം ചെയ്ത ചിത്രത്തിൽ രശ്മിക മന്ദാനയാണ് നായികയായി എത്തുന്നത്. 

ഈ വാർത്ത കൂടി വായിക്കൂ 

കുമ്പളങ്ങിയിലെ സതി, വിവാഹ​ബന്ധം ഉപേക്ഷിച്ച് നടി ഷീല രാജ്കുമാർ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ