ജീവിതത്തിലെ ഏറ്റവും സന്തോഷം നിറഞ്ഞ ദിനത്തിലെ ചിത്രങ്ങൾ പങ്കുവച്ചിരിക്കുകയാണ് നടിയും അവതാരകയുമായ ആതിര മാധവ്. വിവാഹിതയായതിന്റെ സന്തോഷമാണ് നടി ആരാധകരുമായി പങ്കുവച്ചത്. ഇന്നലെ തിരുവനന്തപുരത്ത് വച്ചായിരുന്നു ആതിരയുടെ വിവാഹം. രാജീവ് മേനോൻ ആണ് വരൻ. 

കോവിഡ് മാനദണ്ഡങ്ങൾ പാലിച്ചാണ് വിവാഹം നടന്നത്. യാത്രാ പ്രശ്നങ്ങൾ നിലനിൽക്കുന്നതിനാൽ സഹോദരിക്കും ഏതാനും കുടുംബാംഗങ്ങൾക്കും സഹപ്രവർത്തകർക്കും ചടങ്ങുകളിൽ പങ്കെടുക്കാനായില്ല. അഭിനയരംഗത്ത് തുടരുമെന്ന് ആതിര വിവാഹശേഷം മാധ്യമങ്ങളോട് പ്രതികരിച്ചു.

ഒരു വർഷം മുമ്പാണ് ആതിരയും രാജീവും തമ്മിലുള്ള വിവാഹം ഉറപ്പിച്ചത്. രു മൊബൈൽ കമ്പനിയിൽ ഉദ്യോഗസ്ഥനാണ് രാജീവ്.