നടി കവിയൂർ പൊന്നമ്മയെ കാണാനെത്തി സംവിധായകൻ ഷാജി കൈലാസും ഭാര്യ ആനിയും. പ്രായാധിക്യം കാരണം സിനിമയിൽ സജീവമല്ലാതിരിക്കുന്ന കവിയൂർ പൊന്നമ്മയെ വീട്ടിലെത്തിയാണ് ഇരുവരും സന്ദർശിച്ചത്. സോഷ്യൽ മീഡിയയിൽ പങ്കുവച്ച ഫോട്ടോയിലൂടെയാണ് കവിയൂർ പൊന്നമ്മയെ സന്ദർശിച്ച വിവരം ഷാജി കൈലാസ് അറിയിച്ചത്. 

എന്റെ പ്രിയപ്പെട്ട പൊന്നു അമ്മയോടൊപ്പം വിലപ്പെട്ട സമയം ചെലവഴിച്ചതിൽ അതിയായ സന്തോഷമുണ്ട്. ഏറെ അനുഗ്രഹീതമായ നിമിഷങ്ങളാണിത്. സർവ ശക്തൻ എന്റെ ‘പൊൻ’അമ്മയ്ക്ക് എല്ലാ ആരോഗ്യവും സന്തോഷവും നൽകി അനുഗ്രഹിക്കട്ടെ.- ഫോട്ടോ പങ്കുവച്ചുകൊണ്ട് ഷാജി കൈലാസ് കുറിച്ചു. നിർമാതാവ് ആൽവിൻ ആന്റണിയും ഒപ്പമുണ്ടായിരുന്നു. 

വടക്കൻ പറവൂർ കരിമാളൂരിലെ വസതിയിൽ വിശ്രമജീവിതത്തിലാണ് കവിയൂർ പൊന്നമ്മ ഇപ്പോൾ. 2021 ൽ റിലീസ് ചെയ്ത 'ആണു പെണ്ണും' എന്ന ആന്തോളജി ചിത്രമാണ് കവിയൂർ പൊന്നമ്മയുടേതായി അവസാനം പുറത്തിറങ്ങിയ ചിത്രം. ഈ കഥാപാത്രം ഏറെ ശ്രദ്ധിക്കപ്പെട്ടിരുന്നു. ആറ് പതിറ്റാണ്ടായി മലയാളത്തിന്റെ അമ്മയായി നിറഞ്ഞു നിൽക്കുന്ന താരമാണ് കവിയൂർ പൊന്നമ്മ. എഴുനൂറിൽപരം സിനിമകളിലാണ് പൊന്നമ്മ അഭിനയിട്ടുള്ളത്. 

ഈ വാർത്ത കൂടി വായിക്കൂ 

നേര് കണ്ടിറങ്ങിയത് പൊട്ടിക്കരഞ്ഞ്, ഇങ്ങനെയൊരു ചിത്രത്തിനായാണ് കാത്തിരുന്നതെന്ന് ആന്റണി പെരുമ്പാവൂർ​

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ