മുംബൈ; ബോളിവുഡിലെ പ്രമുഖ സംവിധായകനായ യഷ് ചോപ്രയുടെ ഭാര്യയും പിന്നണി ​ഗായികയുമായ പമേല ചോപ്ര അന്തരിച്ചു. 74 വയസായിരുന്നു. ന്യുമോണിയ ബാധിച്ചതിനെ തുടർന്ന് മുംബൈയിലെ ലീലാവതി ആശുപത്രിയിൽ പ്രവേശിപ്പിച്ച പമേല ഇന്ന് പുലർച്ചെയാണ് വിട പറഞ്ഞത്. സംവിധായകനും നിർമാതാവുമായ ആദിത്യ ചോപ്ര, നടൻ ഉദയ് ചോപ്ര എന്നിവർ മക്കളാണ്. 

ന്യുമോണിയ ബാധിച്ചതിനെ തുടർന്ന് 15 ദിവസമാണ് ഐസിയുവിൽ കഴിയുകയായിരുന്നു. സംസ്കാരം രാവിലെ 11 മണിക്ക് നടക്കുമെന്ന് യഷ് രാജ് ഫിലിംസ് പുറത്തിറക്കിയ പത്രക്കുറിപ്പിലൂടെ അറിയിച്ചു. 

1970ലാണ് യഷ് ചോപ്രയും പമേലയും വിവാഹിതരാവുന്നത്. യഷിനു വേണ്ടി നിരവധി സിനിമകളിൽ ​ഗാനം ആലപിക്കുകയും കഥ എഴുതുകയും ചെയ്തിട്ടുണ്ട്. കഭി കഭി, സിൽസില, ദിൽവാലെ ദുൽഹനിയ ലേ ജായേ​ഗെ തുടങ്ങിയ‌ ചിത്രങ്ങളിൽ ​ഗനം അലപിച്ചു. യഷ് ചോപ്രയുടെ ആദ്യ സംവിധാന അരങ്ങേറ്റമായ കഭി കഭിയുടെ കഥ എഴുതിയത് പമീലയാണ്. കൂടാതെ ദിൽ തോ പാ​ഗൽ ഹേ എന്ന ചിത്രത്തിൽ തിരക്കഥയിലും പങ്കാളിയായി. ഇതു കൂടാതെ യഷ് രാജ് ഫിലിംസിന്റെ ഡ്രസ് ഡിസൈനർ, നിർമാതാവ്, സഹനിർമാതാവ് എന്നീ നിലകളിലും സാന്നിധ്യം അറിയിച്ചു. നെറ്റ്ഫ്ളിക്സ് റിലീസ് ചെയ്ത ഡോക്യുമെന്ററി സീരീസായ ദി റൊമാന്റിക്സിലും എത്തിയിരുന്നു. 

ഈ വാർത്ത കൂടി വായിക്കൂ 

ഡാൻസ് മാസ്റ്റർ രാജേഷ് അന്തരിച്ചു; വിശ്വസിക്കാനാവുന്നില്ലെന്ന് താരങ്ങൾ

 സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ