രാധെ പോസ്റ്ററിൽ നിന്ന് 
Entertainment

ഒടിടിയിൽ സൽമാന്റെ രാധെ കാണാൻ ടിക്കറ്റെടുക്കണം, വില 249 രൂപ

ഒടിടി പ്ലാറ്റ്ഫോം സീ 5ന്‍റെ പേ പെര്‍ വ്യൂ മാതൃകയായ സീ പ്ലെക്സിലും ചിത്രം റിലീസ് ചെയ്യുന്നത്

Author : സമകാലിക മലയാളം ഡെസ്ക്

ആരാധകർ വളരെ പ്രതീക്ഷയോടെ കാത്തിരിക്കുന്ന ചിത്രമാണ് ബോളിവുഡ് സൂപ്പർതാരം സൽമാൻ ഖാന്റെ രാധെ ദി മോസ്റ്റ് വാണ്ടഡ് ഭായ്. തിയറ്ററിലും ഒടിടി പ്ലാറ്റ്ഫോമിലുമായി ഹൈബ്രിഡ് റിലീസിനാണ് ചിത്രം ഒരുങ്ങുന്നത്. ഒടിടി പ്ലാറ്റ്ഫോം സീ 5ന്‍റെ പേ പെര്‍ വ്യൂ മാതൃകയായ സീ പ്ലെക്സിലും ചിത്രം റിലീസ് ചെയ്യുന്നത്. ഇപ്പോൾ ഓൺലൈനിൽ ചിത്രം കാണാനുള്ള നിരക്ക് പ്രഖ്യാപിച്ചിരിക്കുകയാണ്. 

തിയറ്ററിലേതു പോലെ തന്നെ ടിക്കറ്റെടുത്തു വേണം ഓൺലൈനായി ചിത്രം കാണാൻ. സീ പ്ലെക്സിൽ രാധെ കാണാൻ 249 രൂപയാണ് ടിക്കറ്റിന്റെ നിരക്ക്.  സീ സ്റ്റുഡിയോസാണ് പ്രഖ്യാപനം നടത്തിയത്. സൽമാന്റെ നായികയായി ദിഷ പടാനി എത്തുന്ന ചിത്രം പ്രഭുദേവയാണ് സംവിധാനം ചെയ്യുന്നത്. കഴിഞ്ഞ ദിവസം പുറത്തിറങ്ങിയ ചിത്രത്തിന്റെ ​ഗാനം സോഷ്യൽ മീഡിയയിൽ വൈറലായിരുന്നു. 

കഴിഞ്ഞ വര്‍ഷത്തെ ഈദ് റിലീസ് ആയി ചാര്‍ട്ട് ചെയ്‍തിരുന്ന ചിത്രമാണ് രാധെ. എന്നാൽ കോവിഡ് വ്യാപനം രൂക്ഷമായതോടെ ഒരു വര്‍ഷം നീണ്ടു. കൊവിഡ് ആദ്യ തരംഗം ഉയര്‍ത്തിയ ഭീതി കുറഞ്ഞതിനു പിന്നാലെ ചിത്രം തിയറ്ററുകളില്‍ത്തന്നെ എത്തുമെന്ന് നിര്‍മ്മാതാക്കള്‍ പ്രഖ്യാപിച്ചിരുന്നു. എന്നാല്‍ കൊവിഡ് രണ്ടാംതരംഗം രൂക്ഷമായതോടെയാണ് ഹൈബ്രിഡ് റിലീസിലേക്ക് എത്തിയത്. 230 കോടിക്കാണ് സീ സ്റ്റുഡിയോസ് ചിത്രത്തിന്‍റെ ഒടിടി റൈറ്റ്സ് വാങ്ങിയതെന്നാണ് റിപ്പോർട്ടുകൾ. 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

സ്വാമിയേ ശരണമയ്യപ്പാ..; മണ്ഡലകാല തീര്‍ഥാടനത്തിനായി ശബരിമല നട ഇന്ന് തുറക്കും

ആസിയാന്‍ ഉച്ചകോടിയില്‍ പങ്കെടുക്കുന്നതിനായി മോദി മനിലയിലേക്ക്; ട്രംപുമായി കൂടിക്കാഴ്ചയ്ക്ക് സാധ്യത

കണ്ണുനിറച്ച് ഉള്ളിവില, കിലോയ്ക്ക് 200 രൂപ വരെ; വെളുത്തുള്ളി വിലയും റെക്കോര്‍ഡില്‍

ഡേറ്റിങ് ആപ്പിലൂടെ പരിചയപ്പെട്ടു; കനേഡിയന്‍ 'യുവതി' നാട്ടിലെത്തിയപ്പോള്‍ 61കാരി; 31കാരന്‍ കല്യാണത്തില്‍ നിന്ന് പിന്‍മാറി

തീവ്ര ന്യൂനമര്‍ദ്ദം ഇന്ന് ചുഴലിക്കാറ്റായി മാറും; സംസ്ഥാനത്ത് വ്യാഴാഴ്ച വരെ മഴ