സംഗീത സംവിധായകനും ​ഗായകനുമായ ഫൈസൽ റാസിയും ​ഗിയിക ശിഖ പ്രഭാകരനും വിവാഹിതരായി. അഞ്ച് വർഷത്തെ പ്രണയത്തിന് ശേഷമാണ് ഇരുവരും വിവാഹിതരായത്. ഇന്നലെയായിരുന്നു വിവാഹം. ഇന്ന് കൊച്ചിയിലെ പ്രമുഖ റിസോര്‍ട്ടില്‍ റിസെപ്ഷൻ നടക്കും.

കോളേജ് പഠനകാലത്ത് തുടങ്ങിയ സൗഹൃദമാണ് പിന്നീട് പ്രണയമായതും ഇപ്പോൾ വിവാഹത്തിൽ എത്തിയതും. വിവാഹ വാർത്ത തങ്ങളുടെ ഇൻസ്റ്റഗ്രാം പേജുകളിലൂടെ ഇരുവരും പുറത്തുവിട്ടിരുന്നു. വിവാഹനിശ്ചയ ചിത്രങ്ങളും ഫൈസലും ശിഖയും പങ്കുവച്ചിട്ടുണ്ട്. 

പൂമരം എന്ന ചിത്രത്തിലെ ഏറെ ശ്രദ്ധേയമായ 'ഞാനും ഞാനുമെന്റാളും' എന്ന പാട്ട് സം​ഗീതം ചെയ്തതും ആലപിച്ചതും ഫൈസലാണ്. റിയാലിറ്റി ഷോയിലൂടെയാണ് ശിഖ പ്രേക്ഷകർക്ക് സുപരിചിതയായത്. പിന്നീട് ഇരുവരും ഒന്നിച്ച് മ്യൂസിക് ബാൻഡും തുടങ്ങിയിരുന്നു.