'കസബ'യിലെ സ്ത്രീവിരുദ്ധതയ്‌ക്കെതിരെ നടി പാര്‍വതി ഉയര്‍ത്തിയ വിമര്‍ശനത്തെ മമ്മുട്ടിക്ക് എതിരായ വിമര്‍ശനം എന്ന നിലയില്‍ റിപ്പോര്‍ട്ട് ചെയ്ത മാധ്യമങ്ങള്‍ക്കെതിരെ നടിയും സംവിധായകയുമായ ഗീതു മോഹന്‍ദാസ്. ഇല്ലാക്കഥ മെനഞ്ഞ് ഹിറ്റ് കൂട്ടി പണമുണ്ടാക്കുകയാണ് മാധ്യമങ്ങളെന്ന് ഗീതു മോഹന്‍ദാസ് ഫെയ്‌സ്ബുക്ക് കുറിപ്പില്‍ പറഞ്ഞു.
ഒരു സിനിമയുടെ ഉള്ളടക്കത്തെക്കുറിച്ച് പാര്‍വതി നടത്തിയ പ്രതികരണം ഇന്ത്യയിലെ തന്നെ മികച്ച നടനെതിരായ വിമര്‍ശനമായി മാറ്റിയതിന് നന്ദിയെന്നാണ്, പരിഹാസരൂപത്തില്‍ എഴുതിയ കുറിപ്പില്‍ ഗീതുമോഹന്‍ ദാസ് പറയുന്നത്. ഇല്ലാക്കഥയെഴുതിയ ഈ മഞ്ഞപ്പത്രങ്ങളെ വിശ്വസിച്ച ആരാധകര്‍ക്കും നന്ദി. അവര്‍ ഓണ്‍ലൈന്‍ ഹിറ്റ് കൂട്ടി, പണമുണ്ടാക്കി. ഇതിന്റെ പേരിലുള്ള നിരന്തരമായ ട്രോളുകള്‍ സൈബര്‍ അതിക്രമത്തിന്റെ പരിധിയില്‍ വരുമെന്ന് ഓര്‍ക്കുന്നതു നന്നെന്ന് കുറിപ്പില്‍ ചൂണ്ടിക്കാട്ടിയിട്ടുണ്ട്.
ഇത്തരത്തില്‍ വാര്‍ത്ത നല്‍കിയ മഞ്ഞപ്പത്രങ്ങളോട് പറയാനുള്ളത്, പ്രസിദ്ധമായ സിനിമയിലെ ഏറെ പ്രസിദ്ധമായ സംഭാഷണമാണ്. ''സംഗീതവും സ്വാതന്ത്ര്യവും വെറുക്കുന്ന ഏവര്‍ക്കും മേല്‍ ഞാന്‍ മൂത്രമൊഴിക്കുന്നു''
ഇതാ നിങ്ങള്‍ക്കുള്ള അടുത്ത തലക്കെട്ട് എന്നാണ് കുറിപ്പ് അവസാനിപ്പിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates